हेलिकप्टर दुर्घटनामा भारतीय पुर्व सेना प्रमुख रावतको अवस्था गम्भीर

विश्व

गृहपृष्ठ
विश्व
हेलिकप्टर दुर्घटनामा भारतीय पुर्व सेना प्रमुख रावतको अवस्था गम्भीर

हेलिकप्टर दुर्घटनामा भारतीय पुर्व सेना प्रमुख रावतको अवस्था गम्भीर

४ जनाको जलेको अवस्थामा शव भेटियो

बुधबार, मंसिर २२, २०७८ बागेश्वरी पोस्ट

फाइल फोटो

नेपालगन्ज । भारतीय सुरक्षा प्रमुख विपिन रावत सवार सेनाको एमआई १७ हेलिकप्टर दुर्घटनामा परेको छ । भारतीय सञ्चारमाध्यमका अनुसार विपिन रावत सुरक्षित रहेको र गम्भीर अवस्थामा अस्पताल भर्ना गरिएको छ ।

घटनाको एक घण्टापछि जनरल रावतलाई वेलिङ्गटन स्थित सैन्य अस्पताल लगिएको जानकारी दिइएको छ । प्रधानमन्त्री नरेन्द्र मोदीले सो जानकारी दिएका हुन् । सो घटना बारे रक्षामन्त्री राजनाथ सिंहले संसद्मा जनाकारी गराउँदै छन् ।

सञ्चारमाध्यमले जनरल विपिन रावत गम्भीर घाइते भएको दाबी गरिरहेका छन् । रावत पूर्व भारतीय सेना प्रमुख समेत रहेका थिए । रावतले ३१ डिसेम्बर २०१६ देखि ३१ डिसेम्बर २०१९ सम्म सेना प्रमुखको पद सम्हालेका थिए। उनले १ जनवरी २०२० मा चीफ अफ डिफेन्स स्टाफको पदभार ग्रहण गरेका थिए।

रावतसहित उच्च अधिकारी चढेको हेलिकप्टर तामिलनाडुको निलगिरी नजिकै कुन्नर भन्ने ठाउँमा दुर्घटनामा परेको थियो । दुर्घटनाग्रस्त हेलिकप्टरमा रावतसहित १४ जना सवार रहेको बताइएको छ ।

हेलिकप्टरमा सेना प्रमुख रावतकी पत्नी, रक्षा सहयोगी समेत रहेको बताइएको छ । घटनास्थलबाट चार जनाको जलेको अवस्थामा शव भेटिएको छ ।

प्रकाशित मिति: बुधबार, मंसिर २२, २०७८, १५:४३:००