लुम्बिनी प्रदेश स्तरीय बास्केटबल प्रतियोगिता हुँदै

खेलकुद

गृहपृष्ठ
खेलकुद
लुम्बिनी प्रदेश स्तरीय बास्केटबल प्रतियोगिता हुँदै

लुम्बिनी प्रदेश स्तरीय बास्केटबल प्रतियोगिता हुँदै

बिहीबार, माघ १९, २०७९ लक्ष्मण बस्नेत

दाङ । लुम्बिनी प्रदेश स्तरीय थ्री ए साइट बास्केटबल प्रतियोगिता २०७९ भोलि शुक्रबार देखि सुरु हुँदैछ । दाङ जिल्ला बास्केटबल संघको आयोजनामा संचालन हुने प्रतियोगिता घोराही १८ सालघारि बास्केटबल कोर्डमा हुनेछ ।

प्रतियोगिताको औपचारिक उद्घाटन बिहान साढे सात बजे गरिने तय भएको छ ।

दुई दिनसम्म चल्ने प्रत्योगितामा लुम्बिनी प्रदेशका १२ जिल्लाका १० टिमको सहभागिता रहने जिल्ला बास्केटबल संघ दाङका अध्यक्ष बिपिन केसीले जानकारी दिएका छन् ।

प्रतियोगिताको बिजेता टिमले नगद ३० हजार, ट्रफी, मेडल, प्रमाणपत्र हात पार्नेछ ।

त्यस्तै उपबिजेता टिमले नगद १५ हजार, ट्रफी, मेडल, प्रमाणपत्र हात पार्नेछ भने प्रतियोगिताको व्यक्तिगत बिधातर्फ खेल अबधिभर उत्कृष्ट खेल प्रदर्शन गर्ने खेलाडीलाई सर्वोत्कृट खेलाडी र एक जना उदयमान खेलाडी घोषित गरी ट्रफी प्रदान गरिने अध्यक्ष केसीले जानकारी दिए ।

यसैबीच प्रतियोगिताको उद्घाटन खेलमा दाङ जिल्ला बास्केटबल संघ र सोल्टी स्क्वार्ड घोराही भिड्नेछन् । खेल साढे ८ बजे हुने आयोजकले जानकारी दिएको छ ।

प्रकाशित मिति: बिहीबार, माघ १९, २०७९ २०:०७