दङ्गिशरणलाई खेलकुदको गन्तव्य बनाउँछौ : गिरी

खेलकुद

गृहपृष्ठ
खेलकुद
दङ्गिशरणलाई खेलकुदको गन्तव्य बनाउँछौ : गिरी

दङ्गिशरणलाई खेलकुदको गन्तव्य बनाउँछौ : गिरी

बिहीबार, माघ २६, २०७९ लक्ष्मण बस्नेत

दाङ । दङ्गिशरण गाउँपालिका स्तरीय पाँचौ रास्ट्रपति रनिङ शिल्ड प्रतियोगिता २०७९ आजदेखि सुरु भएको छ ।

दङ्गिशरण गाउँपालिकाको आयोजना तथा बिरेन्द्र मावि हेकुलीको संयोजनमा संचालित प्रतियोगिताको उद्घाटन प्रतिनिधिसभा सदस्य दिपक गिरीले गरेका हुन् । उद्घाटन समारोहलाई सम्बोधन गर्दै प्रमुख अतिथी गिरीले दङ्गिशरण गाउँपालिकालाई खेलकुदको गन्तव्यका रुपमा बिकास गर्न आफू लागिपर्ने बताए । "भौगोलिक भुबनोट र हावापानीका दृष्टिकोणले उत्तम पालिका खेलकुदको गन्तव्य बन्न खेल पुर्वाधार पहिलो आधार हो यसर्थ हामीले पालिकामा बहुउद्देश्यीय कवर्ड हल निर्माणलाई पहिलो प्राथिकतामा राखेका छौ", उनले भने । "खेलकुद मावन स्वास्थ्यको अभिन्न अंग हो, देशको समृद्धिमा यसको महत्वपुर्ण भुमिका छ, त्यसैले आजैदेखि खेल विकासमा जुटौं, सिङ्गो पालिका खेलकुदको गन्तव्य अवश्य बन्नेछ." उनले भने ।

कार्यक्रमका विशिष्ट अतिथि प्रदेशसभा सदस्य धनबहादुर मास्कीले स्थानीय तहले ग्रामीण स्तरबाटै खेल विकासको स्पष्ट खाका कोर्दै यसको विकासमा चासो र चिन्तन गर्नुपर्ने बताए । मानव जीवनमा शिक्षाको जत्तिको महत्त्व छ, खेलकुद पनि त्यत्तिकै महत्त्व रहेकाले शिक्षा र खेलकुदलाई संगसंगै लैजानुपर्ने उनको भनाई छ । उनले यस क्षेत्रको खेलकुदको बिकासमा आफू लागिपर्ने बताए । साथै उनले विकास, अनुशासन र गतिशिलतालाई खेलाडीले उच्च आर्दशका साथ पालना गर्नुपर्ने बताए ।

गाउँपालिका अध्यक्ष सम्भु गिरीले बालवालिकाको सर्वाङगीण विकासको आधारशिला खेलकुद क्षेत्रको विकासमा आफु लागिपर्ने बताए । "हामी गाउँपालिकाको नीति तथा कार्यक्रममा शिक्षा जत्तिकै महत्वका साथ खेलकुदलाई स्थान दिनेछौं, अब दंगिशरण गाउँपालिकालाई कसरी खेलकुदमय बनाउन सकिन्छ भन्ने विषय हाम्रो उच्च प्राथमिकतामा रहन्छ," अध्यक्ष गिरीले भने ।

गाउँपालिका सामाजिक बिकास समितिका संयोजक रोषणजंग शाहको स्वागत रहेको कार्यक्रममा विभिन्न कला संस्कृति झल्कने नृत्य प्रस्तुत गरिएको थियो । कार्यक्रमको संचालन पालिकाका शिक्षा युवा तथा खेलकुद महाशाखा प्रमुख बिनोद अधिकारीले गरेका थिए ।

तीन दिनसम्म संचालन हुने प्रतियोगितामा पालिका स्तरका सामुदायिक तथा निजी विद्यालय गरी ८ विद्यालयको सहभागिता रहेको पालिकाका प्रेस संयोजक प्रमोद आचार्यले जानकारी दिए ।

यसैबीच आज सम्पन्न एथलेटिक्स तर्फका ट्रयाक एण्ड फिल्ड इभेन्ट्समा बिरेन्द्र नमुना मावि हेकुली ५ स्वर्ण, १ रजत र १ कास्य पदका साथ अग्रस्थानमा रहेको छ । त्यस्तै सिद्धपृथ्वी मावि श्रीगाउँ १ स्वर्ण, ४ रजत र २ कास्य पदकका साथ दोस्रो स्थानमा रहँदा मावि मधपुर १ स्वर्ण, १ रजत र २ कास्य पदकका साथ तेस्रो स्थानमा रहेको प्रतियोगिताका सचिवालय सदस्य प्रदिप चन्दले जानकारी दिए । प्रतियोगिता अन्तरगत भोलि एथलेटिक्स, कबड्डी र भलिबल छात्र छात्रातर्फ खेलहरु बिहान ८ बजेदेखि सुरु हुनेछ्न् ।
No description available.