संक्रमणकालीन न्याय व्यवस्थापनमा राष्ट्रिय सहमति र एकता आवश्यक छ: राष्ट्रपति पौडेल

राजनीति

गृहपृष्ठ
राजनीति
संक्रमणकालीन न्याय व्यवस्थापनमा राष्ट्रिय सहमति र एकता आवश्यक छ: राष्ट्रपति पौडेल

संक्रमणकालीन न्याय व्यवस्थापनमा राष्ट्रिय सहमति र एकता आवश्यक छ: राष्ट्रपति पौडेल

शनिबार, चैत ४, २०७९ बागेश्वरी पोस्ट

नेपालगन्ज। राष्ट्रपति रामचन्द्र पौडेलले संक्रमणकालीन न्यायको व्यवस्थापनमा राष्ट्रिय सहमति र एकता आवश्यक रहेको बताएका छन् ।

संघीय तथा प्रदेशका सबै सांसदहरुलाई दिएको चियापान कार्यक्रममा राष्ट्रपति पौडेलले राष्ट्रपति संस्थाले निर्वाह गर्ने भूमिकाले संविधान र शासन व्यवस्थाको अभ्यास प्रभावित हुनेमा सजग रही निर्दिष्ट कार्यसम्पादन गर्दा निष्पक्षता, तटस्थता तथा विधिको पालनामा प्रतिवद्ध रहने जनाएका छन् ।

आज बिहान संघीय तथा प्रदेशका सबै सांसदहरुलाई राष्ट्रपति कार्यालय शीतल निवासमा चियापानका लागि बोलाएर राष्ट्रपति पौडेलले उनले सो प्रण गरेका हुन् ।

संवोधनका क्रममा नेपालको राष्ट्रिय एकताको प्रवर्धन, स्वाधिनताको रक्षा, संविधानको पालना र संरक्षण गर्ने संवैधानिक जिम्मेवारी नै आफ्ना मार्गनिर्देशक सिद्धान्त रहने उल्लेख गर्दै राष्ट्रपति पौडेलले राष्ट्रपतिका काम, कर्तव्य तथा जिम्मेवारी वहन गर्दा संविधानप्रदत्त मर्यादा तथा संविधानका अक्षर र भावनालाई आत्मसाथ गरी दिगो शान्ति, सुशासन, विकास र समृद्धिको आकांक्षा पूरा गर्ने राष्ट्रिय अभियानमा सरिक हुन सदैव तत्पर रहने बताएका छन् ।

प्रकाशित मिति: शनिबार, चैत ४, २०७९ १३:२४

प्रतिक्रिया दिनुहोस्