त्रिभुवन चोकमा असार १५ देखि ‘स्ट्रीट फुडलेन’ !

स्थानीय

गृहपृष्ठ
स्थानीय
त्रिभुवन चोकमा असार १५ देखि ‘स्ट्रीट फुडलेन’ !

त्रिभुवन चोकमा असार १५ देखि ‘स्ट्रीट फुडलेन’ !

मंगलबार, जेठ २३, २०८० बागेश्वरी पोस्ट

नेपालगञ्ज । नेपालगञ्जमा ‘स्ट्रीट फुडलेन’ सञ्चालनका विषयमा सरोकारवालाहरुबीच आज छलफल गरिएको छ । नाट्टा बाँके च्याप्टरसंगको सहकार्यमा नेपालगञ्ज उपमहानगरपालिकाले सञ्चालन गर्ने तयारी गरेको ‘स्ट्रीट फुडलेन’ का विषयमा सरोकारवालासंग छलफल गरिएको हो । छरिएका स्थानीय स्वादलाई एकतृत गरेर एकै ठाउँबाट पस्किने उद्देश्यले ‘स्ट्रीट फुडलेन’ को अवधारणा ल्याइएको हो ।

नेपालगञ्ज उपमहानगरपालिका कार्यालयमा गरिएको छलफलबाट त्रिभुवन चोकमा असार १५ गतेदेखि ‘स्ट्रीट फुडलेन’ सञ्चालन गर्ने निर्णय गरिएको नाट्टा बाँके च्याप्टरका अध्यक्ष श्रीराम सिग्देलले बताए । नगर प्रमुख प्रशान्त विष्टले नेपालगञ्जलाई पर्यटनसँग जोड्न ‘स्ट्रीट फुडलेन’ सञ्चालन गर्न लागेको बताए । विष्टले यहाँका स्थानीय परिकारलाई एकै ठाउँमा ब्यवस्थितरुपले बिक्री गर्नका लागि ‘ ‘स्ट्रीट फुडलेन’ बनाउन आवश्यक देखिएको भन्दै अब कार्यान्वयनको चरणमा लागेको बताए । उनले त्यस क्षेत्रमा सार्वजनिक शौचालय, फोहोरमैला ब्यवस्थापन लगायतका काममा गम्भीर ढंगले लाग्ने प्रतिबद्धता जनाए ।

No description available.

छलफल कार्यक्रममा नेपालगञ्ज उपमहानगरपालिकाका उपप्रमुख कमरुद्दिन राई, पूर्व नगर प्रमुख विजय गुप्ता, वडा नम्बर ८ का वडा अध्यक्ष रजनिश बाजपेयी (विवेक), ११ का वडा अध्यक्ष नन्दकिशोर कश्यप, पर्यटन डिभिजन कार्यालय बाँकेका प्रमुख दिनेश अधिकारी, नेपालगञ्ज उद्योग वाणिज्य संघका पूर्व अध्यक्ष नन्दलाल बैश्य, वाणिज्य कार्यालयका विष्णुप्रसाद धिताल, खाद्य प्रविधि तथा गुण नियन्त्रण कार्यालयका खाद्य अनुसन्धान अधिकृत अञ्जु हुमागाई लगायत उपस्थित थिए ।

No description available.