राप्तीसोनारीको ढकेरीमा जीपको ठक्करबाट दुई जना घाइते

स्थानीय

गृहपृष्ठ
स्थानीय
राप्तीसोनारीको ढकेरीमा जीपको ठक्करबाट दुई जना घाइते

राप्तीसोनारीको ढकेरीमा जीपको ठक्करबाट दुई जना घाइते

सोमबार, साउन १५, २०८० गौरब गिरी

नेपालगन्ज । बाँकेको राप्तीसोनारी गाउँपलिकास्थित पूर्व-पश्चिम् राजमार्गमा जीपको ठक्करबाट मोटरसाइकल सवार दुई जना घाइते भएका छन् ।

जिल्ला ट्राफिक प्रहरी कार्यालयका अनुसार आज बिहान ९ बजे राप्तीसोनारी- ९ ढकेरीमा पश्चिमतर्फबाट रुकुम जाँदै गरेको बा १९ च ५५७८ न को स्कार्पियो जीपले पूर्व तर्फबाट कोहलपुरतर्फ आउँदै गरेको भे ९ प ९१२० नम्बरको मोटरसाइकललाई ठक्कर दिदा जनक कुसारी र अर्जुन कुसारी घाइते भएका छन् ।

घाइतेहरुको नेपालगन्ज मेडिकल कलेजमा उपचार भइरहेको जिल्ला ट्राफिक प्रहरीले जनाएको छ। प्रहरीले ठक्कर दिने स्कार्पियो र चालकलाई नियन्त्रणमा लिएको छ।

प्रकाशित मिति: सोमबार, साउन १५, २०८० १२:३८