जीबी राई गृहमन्त्रीसँग सम्पर्कमा छन्, संसदीय छानबिन समिति नबने संसद ठप्प: कांग्रेस

राजनीति

गृहपृष्ठ
राजनीति
जीबी राई गृहमन्त्रीसँग सम्पर्कमा छन्, संसदीय छानबिन समिति नबने संसद ठप्प: कांग्रेस

जीबी राई गृहमन्त्रीसँग सम्पर्कमा छन्, संसदीय छानबिन समिति नबने संसद ठप्प: कांग्रेस

बुधबार, चैत २१, २०८० बागेश्वरी पोस्ट

काठमाडौं । गृहमन्त्री रवि लामिछानेलाई संसदीय समितिको छानबिन समितिमा अबको बहस गर्ने नेपाली कांग्रेसका महामन्त्री एवं सांसद विश्वप्रकाश शर्माले चेतावनी दिएका छन् ।

आजको प्रतिनिधि सभाको बैठकमा बोल्दै महामन्त्री शर्माले सहकारी प्रकरणमा गृहमन्त्रीमाथि संसदीय छानबिन समितिको विकल्प नरहेको बताएका हुन् ।

सहकारी ठगिमा रास्वपाका अन्य नेताहरु पनि संलग्न भएको विषय बाहिर आएको बताउँदै आम जनताको ८० करोड रकम हिनामिना गरिएको बताए ।

साथै महामन्त्री शर्माले जीबी राईलाई नेपाल ल्याउन ढिलाई गरेको आरोप लगाएका छन् । उनले राई गृहमन्त्रीको सम्पर्कमा रहेको समेत दाबी गरेका छन् ।

उनले भने, ‘राई मलेसियामा छन्, दुनियाँलाई थाहा छ । मलेसियाको कानुन पनि हेर्नुहोला । जीवी राईलाई ल्याउने कुरामा के कुराले ढिलाइ भयो । मैले आरोप लगायो नभनौँ तर हामीले पाएको सूचना अनुसार उहाँ गृहमन्त्रीको सम्पर्कमा हुनुहुन्छ ।’

साथै गृहमन्त्री लामिछानेमाथिको सहकारी ठगी प्रकरणको संसदीय छानबिन समितिको माग बारेको अल्टिमेटम सकिएको महामन्त्री शर्माले बताएका छन् । शर्माले आउँदो बैठकमा सरकारले संसदीय छानबिन समिति लिएर आओस् भन्दै कांग्रेसले दिएको अल्टिमेटम सकिएको बताएका हुन् ।

कतिपयले कांग्रेसले यो मुद्दालाई कमजोर बनायो भन्ने आरोप गलत भएको बताउँदै उनले अबको बैठक कांग्रेसले माग पूरा नभएमा अवरुद्ध गर्ने संकेत गरेका छन् ।

प्रकाशित मिति: बुधबार, चैत २१, २०८० १२:५५

प्रतिक्रिया दिनुहोस्