दाङ–३ मा कांग्रेस क्षेत्रीय सभापतिमा वली निर्वाचित

राजनीति

गृहपृष्ठ
राजनीति
दाङ–३ मा कांग्रेस क्षेत्रीय सभापतिमा वली निर्वाचित

दाङ–३ मा कांग्रेस क्षेत्रीय सभापतिमा वली निर्वाचित

बिहीबार, असोज १५, २०८३ बागेश्वरी पोस्ट

नेपालगञ्ज । नेपाली कांग्रेसको १५औँ महाधिवेशन अन्तर्गत दाङ प्रतिनिधिसभा क्षेत्र नम्बर ३ को क्षेत्रीय सभापतिमा खिमबहादुर वली निर्वाचित भएका छन् । वलीले ४०६ मत प्राप्त गर्दै विजयी भएका हुन् । उनका निकटतम् प्रतिद्वन्द्वी सुरेन्द्र खड्काले २९७ मत प्राप्त गरे । सभापतिका अन्य उम्मेदवार घनश्याम ढकालले २३०, किरण शाहले १४५ र कुमार लामिछानेले ७२ मत प्राप्त गरे । सहसचिवमा रमेश भण्डारी निर्वाचित भएका छन् ।

यसैगरी, प्रदेशसभा क्षेत्र नम्बर ३ (क) को सभापतिमा तेजबहादुर डाँगी निर्वाचित भएका छन् । सोही क्षेत्रको उपसभापतिसहित अन्य पदाधिकारी तथा प्रदेश अधिवेशन प्रतिनिधिको पनि निर्वाचन सम्पन्न भएको छ ।

May be an image of one or more people, people smiling and temple

प्रदेशसभा क्षेत्र नम्बर ३ (ख) को सभापतिमा शम्भु गिरी निर्वाचित भएका छन् । गिरीले ४७० मत प्राप्त गर्दै विजयी हुँदा उनका निकटतम् प्रतिद्वन्द्वी गोपालबहादुर रावतले ९९ र अर्का उम्मेदवार निर्मल केसीले ८५ मत प्राप्त गरे ।

३ (ख) को उपसभापतिमा दुर्गा वली तथा सचिवमा गणेश केसी निर्वाचित भएका छन् । यसैबीच, प्रदेश अधिवेशन प्रतिनिधि समेत चयन भएका छन् । प्रदेशसभा क्षेत्र नम्बर ३ (क) बाट खुला र अन्य क्लष्टरसहित पेशागततर्फ गौरव गिरी पनि निर्वाचित भएका छन् ।

प्रतिनिधिसभा क्षेत्र नम्बर ३ अन्तर्गत महाधिवेशन प्रतिनिधिको मतगणना भने जारी रहेको छ ।

प्रकाशित मिति: बिहीबार, असोज १५, २०८३ २०:५०

प्रतिक्रिया दिनुहोस्