इस्तियाकले आफ्नै गृह जिल्लाका प्रभावशाली नेताको साथ पाएनन्

राजनीति

गृहपृष्ठ
राजनीति
इस्तियाकले आफ्नै गृह जिल्लाका प्रभावशाली नेताको साथ पाएनन्

इस्तियाकले आफ्नै गृह जिल्लाका प्रभावशाली नेताको साथ पाएनन्

कमरुद्दिन राई र इस्तियाक अहमद शाह उपेन्द्रकै पक्षमा खुले

शुक्रबार, वैशाख २८, २०८१ बागेश्वरी पोस्ट

नेपालगञ्ज । पार्टी विभाजनमा महत्वपूर्ण भूमिका खेलेर जसपा पार्टी गठन गरी महासचिव बनेका बाँकेका मो. इस्तियाक राईले आफ्नै जिल्लाका प्रभावशाली नेताहरुको साथ पाएनन् । जनता समाजवादी पार्टी नेपाल बाँकेका अध्यक्ष एवम् नेपालगञ्ज उपमहानगरपालिकाका उपप्रमुख कमरुद्दिन राई र जनता समाजवादी पार्टी नेपालका संघीय परिषद् सदस्य एवम् बाँकेको नरैनापुर गाउँपालिका अध्यक्ष इस्तियाक अहमद शाह राईलाई साथ नदिएर उपेन्द्र यादवकै पक्षमा खुलेका छन् ।

उनीहरुले आज छुट्टाछुट्टै विज्ञप्ती निकालेर आफूहरु उपेन्द्रसंगै रहेको प्रष्ट्याउँदै उपेन्द्रकै पक्षमा एकताबद्ध हुन आह्वान समेत गरेका छन् । जिल्लाका नेताहरुको साथ पाउने अपेक्षा गरिएका बेला प्रभावशाली नेताहरुले नै साथ छाडेपछि राई अप्ठेरोमा परेका छन् ।
हेर्नुस् विज्ञप्ती