जेष्ठ नागरिक क्लबद्वारा २० जना आजीवन सदस्यलाई सम्मान

स्थानीय

गृहपृष्ठ
स्थानीय
जेष्ठ नागरिक क्लबद्वारा २० जना आजीवन सदस्यलाई सम्मान

जेष्ठ नागरिक क्लबद्वारा २० जना आजीवन सदस्यलाई सम्मान

बुधबार, पुस १७, २०८१ बागेश्वरी पोस्ट

नेपालगन्ज । नेपालगन्ज उपमहानगरपालिका वडा नम्बर ६ स्थित जेष्ठ नागरिक क्लबले क्लबमा आवद्ध आजीवन सदस्यहरुलाई सम्मान गरेको छ । क्लवका अध्यक्ष रामकृष्ण ठाकुरको अध्यक्षतामा मंगलवार भएको कार्यक्रममा ६० वर्षदेखि ८८ वर्षसम्मका २० जना आजीवन सदस्यहरुलाई सम्मान गरिएको क्लबका कोषाध्यक्ष खड्क बहादुर गोसाईले जानकारी दिए ।

क्लबमा २० महिलासहित ५० जना आवद्ध रहेको पनि उनले बताए । दुई-तीन वर्ष अघि नै जेष्ठ नागरिकहरु संगिठत भएका थिए । तर, वडामा क्लब नै दर्ता भएको चालू आर्थिक वर्षमा मात्रै हो । जेष्ठ नागरिक सुशीला कार्कीले क्लवलाई अब क्रियाशील बनाउनुपर्ने बताइन् । उनले क्लबप्रति जेष्ठ नागरिकहरुको भरोसा बढ्दै गएकाले आवद्धता हुनेको संख्या पनि बढ्दै गएको उल्लेख गरिन् । उनले स्थानीय सरकारले जेष्ठ नागरिकका लागि भवन बनाइदिनुपर्नेमा जोड समेत दिइन् ।

अहिले क्लब भाडाको घरबाट संचालित रहेको छ । स्थानीय सरकारले जेष्ठ नागरिकहरुलाई अहिलेसम्म खासै सहयोग नगरेको गुनासो उनीहरुको छ । उमेर ढल्कँदै गएपछि जेष्ठ नागरिकहरु परिवारबाट एक्लिने गरेका छन् । यस्तो अवस्थामा उनीहरु एक आपसमा भलाकुसारी गर्ने र सुखदुख साटासाट गर्न चाहन्छन् । त्यसैले स्थानीय सरकारले जेष्ठ नागरिकहरुका लागि भवन बनाइदिने र उनीहरुलाई रामरमाइलो गर्नका लागि भजनकृतन, नाचगान लगायतका कार्यक्रमका निमित्त सहयोग गर्नुपर्ने उनीहरुको माग छ ।

प्रकाशित मिति: बुधबार, पुस १७, २०८१ १०:३१

प्रतिक्रिया दिनुहोस्