श्रीनगर महोत्सवमा भीषण आगलागी, करोडौंको क्षति

अर्थ

गृहपृष्ठ
अर्थ
श्रीनगर महोत्सवमा भीषण आगलागी, करोडौंको क्षति

श्रीनगर महोत्सवमा भीषण आगलागी, करोडौंको क्षति

आइतबार, माघ २७, २०८१ बागेश्वरी पोस्ट

दाङ । सल्यानमा जारी महोत्सवमा भीषण आगलागी भएको छ । गएराति जिल्लाको श्रीनगरस्थित महोत्सवमा राखिएका व्यापारिक स्टलहरुमा भीषण आगलागी हुँदा ८० वटा स्टल जलेको जिल्ला प्रहरी कार्यालय सल्यानले जानकारी दिएको छ ।

श्रीनगरमा माघ १८ गतेदेखि राष्ट्रिय लोक तथा दोहोरी गीत प्रतिष्ठान सल्यानको आयोजनामा महोत्सव हुँदै आएकोमा गएराति ११ बजे आगलागी भएको प्रहरीले जनाएको छ ।

महोत्सव स्थलमा जम्मा १३८ वटा स्टल रहेकोमा ८० वटा स्टल जल्दा करीब १० करोड रुपैयाँ बराबरको क्षति भएको अनुमान गरिएको प्रहरीले जानकारी दिएको छ ।

उक्त आगो स्थानीय र सुरक्षा फौजको सहयोगमा गएराति १ बजे नियन्त्रणमा ल्याइएको सल्यान प्रहरीले जानकारी दिएको छ भने आगो कसैले लगाएको हुन सक्ने आशंका रहेको भन्दै प्रहरीले घटनाको थप अनुसन्धान सुरु गरेको गरेको जनाएको छ ।

प्रकाशित मिति: आइतबार, माघ २७, २०८१ ०८:५९

प्रतिक्रिया दिनुहोस्