एमाले महासचिव पोखरेलको प्रश्न: 'दल गठन गरिसकेपछि घिसिङ मन्त्री पदमा रहनु उचित हो ?'

राजनीति

गृहपृष्ठ
राजनीति
एमाले महासचिव पोखरेलको प्रश्न: 'दल गठन गरिसकेपछि घिसिङ मन्त्री पदमा रहनु उचित हो ?'

एमाले महासचिव पोखरेलको प्रश्न: 'दल गठन गरिसकेपछि घिसिङ मन्त्री पदमा रहनु उचित हो ?'

शुक्रबार, कात्तिक २८, २०८२ बागेश्वरी पोस्ट

काठमाडौँ । नेकपा एमालेका महासचिव शंकर पोखरेलले ऊर्जा, जलस्रोत तथा सिँचाई मन्त्री कुलमान घिसिङलाई लक्षित गर्दै सरकारमा निरन्तर रहनु उपयुक्त नदेखिएको टिप्पणी गरेका छन् ।

सामाजिक सञ्जालमार्फत प्रधानमन्त्री सुशीला कार्कीलाई प्रश्न गर्दै पोखरेलले भनेका छन्, “चुनावका लागि गैरदलीय सरकार बनाएको दाबी गर्ने प्रधानमन्त्रीले आफ्नै पहलमा नयाँ राजनीतिक दल खोलेर चुनावमा भाग लिने घोषणा गरिसकेको व्यक्तिलाई मन्त्रीको जिम्मेवारीमा राखिरहन मिल्छ ?”

उनको भनाईमा, दल गठन गरिसकेपछि मन्त्री पदमा टिकिरहनु नैतिक रूपमा असङ्गत छ । पोखरेलले अगाडि थपे, “प्रधानमन्त्रीको प्रतिवद्धता र वर्तमान अभ्यासबीच मेल नखाने भएकाले मन्त्रीलाई तत्काल पदबाट मुक्त गर्नुपर्ने समय आएको छैन र ?”

यस्तो लेखेका छन् पोखरेलले-

प्रधानमन्त्री सुशिला कार्कीले चुनावका लागि गैरदलीय सरकार बनाएको दाबी गर्ने तर स्वयंको पहलमा पार्टी गठन गरी चुनावमा सहभागी हुने घोषणा गरिसकेको व्यक्तिलाई मन्त्री पदमा राखिराख्नु उचित हुन्छ ? यदि यस्तो व्यक्ति मन्त्री पदमा बसिरहनु नैतिक दृष्टिले उपयुक्त हुँदैन र प्रधानमन्त्रीको प्रतिवद्धतासंग मेल खाँदैन भने, अविलम्ब मन्त्री पदबाट बिदा गर्नुपर्ने होइन र ?

प्रकाशित मिति: शुक्रबार, कात्तिक २८, २०८२ ११:०५

प्रतिक्रिया दिनुहोस्