प्रदेश प्रमुख परिवर्तन समान्य प्रचलनः प्रचण्ड

राजनीति

गृहपृष्ठ
राजनीति
प्रदेश प्रमुख परिवर्तन समान्य प्रचलनः प्रचण्ड

प्रदेश प्रमुख परिवर्तन समान्य प्रचलनः प्रचण्ड

मंगलबार, कात्तिक १९, २०७६ बागेश्वरी पोस्ट

नेपालगञ्ज । नेपाल कम्युनिष्ट पार्टीका अध्यक्ष एवम् पूर्व प्रधानमन्त्री पुष्पकमल दाहाल ‘प्रचण्ड’ ले प्रदेश प्रमुखहरुको परिवर्तन सरकारको क्षेत्राधिकार भित्रको विषय भएकाले यसमा धेरै टिकाटिप्पणी गर्न जरुरी नरहेको बताउनुभएको छ । प्रेस संगठन बाँकेले आज नेपालगञ्ज विमानस्थलमा गरेको पत्रकार सम्मेलनमा अध्यक्ष ‘प्रचण्ड’ ले सरकार फेरिएसंगै प्रदेश प्रमुखहरु परिवर्तन गर्नु सामान्य प्रचलन भएको बताउँदै सरकार उदार भएर पहिलेका प्रदेश प्रमुखहरुलाई दुई बर्षसम्म काम गर्न दिएको स्पष्ट पार्नुभयो । उहाँले पछिल्लो समय आफू देशका विभिन्न ठाउँमा पुगेर जनताका गुनासा र प्रतिक्रिया सुन्ने र ती गुनासा तथा प्रतिक्रियाहरु सरकार समक्ष पु¥याउने गरेको बताउनुभयो । प्रदेश नम्बर ५ को स्थायी राजधानीका सम्बन्धमा सोधिएको प्रश्नमा अध्यक्ष ‘प्रचण्ड’ ले कसैको नाफा नोक्सान हेरेर नभई सबैलाई सुविधा हुने ठाउँमा हुनुपर्ने आफ्नो मत रहेको बताउनुभयो । उहाँ नेकपा बाँकेले नेपालगञ्जमा आयोजना गरेको चियापान कार्यक्रममा सहभागी हुन नेपालगञ्ज आउनुभएको हो ।

प्रकाशित मिति: मंगलबार, कात्तिक १९, २०७६ १०:५८