नेपालगन्जमा सुरु भयो 'गो ब्याक ईन्डिया' को नारा

राजनीति

गृहपृष्ठ
राजनीति
नेपालगन्जमा सुरु भयो 'गो ब्याक ईन्डिया' को नारा

नेपालगन्जमा सुरु भयो 'गो ब्याक ईन्डिया' को नारा

बिहीबार, कात्तिक २१, २०७६ बागेश्वरी पोस्ट

नेपालगन्ज । भारतले केही दिनअघि सार्वजनिक गरेको नयाँ नक्साको विरोध गर्दै अनेरास्ववियु बाँकेले नेपालगन्जमा प्रदर्शन गरेको छ । सत्तारूढ नेपाल कम्युनिष्ट पार्टी (नेकपा)को विद्यार्थी संगठन अनेरास्ववियूले भारतबाट हालै जारी भएको नयाँ नक्सामा लिपुलेक र कालापानी समावेश भएकोमा विरोध प्रदर्शन गरेको हो ।

‘गो ब्याक इन्डिया, भारतीय बिस्तारबाद मुर्दाबाद', लेखिएको प्ले कार्डसहित नेपालगन्जको बिपि चोकमा अनेरास्ववियुले प्रदर्शन गरेको हो। अनेरास्ववियु बाँकेका अध्यक्ष मोहित शाहले कार्यक्रमलाई सम्बोधन गर्दै भारतले नेपालको स्वाधीनतामा आच आउने किसिमले जुन किसिमको नक्सा बनाएको छ त्यसको बिरोध गर्दै नक्सा नसच्चिय सिमा सम्म पुग्ने बताउछन ,।

‘ती सम्पुर्ण क्षेत्रहरु हाम्रो [नेपाल] को हो त्यसैले छिटो भन्दा छिटो त्यो नक्सालाई सच्याओस, अन्यथा हामी यो आन्दोलनलाई अझै उग्ररुपले बनाएर सिमासम्म जानको निम्ति बाध्य हुनेछौं’, शाहले बताए ।

बिरोध कार्यक्रममा अनेरास्ववियुका नेता राजेन्द्र बिष्ट, बिमल मल्ल ठकुरीले कोणसभालाई सम्बोधन गरेका थिए भने कोणसभाको सन्चालन अनेरास्ववियु महेन्द्र बहुमुखी क्याम्पसका सचिव प्रकाश बिकले गरेका थिए ।

प्रकाशित मिति: बिहीबार, कात्तिक २१, २०७६ ०९:१६