नेपालगन्ज तरुण दल अध्यक्ष रिहाईका लागि कडा आन्दोलनमा हुन्छ: जित जङ्ग बस्नेत-केन्द्रिय अध्यक्ष

राजनीति

गृहपृष्ठ
राजनीति
नेपालगन्ज तरुण दल अध्यक्ष रिहाईका लागि कडा आन्दोलनमा हुन्छ: जित जङ्ग बस्नेत-केन्द्रिय अध्यक्ष

नेपालगन्ज तरुण दल अध्यक्ष रिहाईका लागि कडा आन्दोलनमा हुन्छ: जित जङ्ग बस्नेत-केन्द्रिय अध्यक्ष

प्रहरीलाई नेकपाको चाकडी नगर्न सुझाब

शुक्रबार, कात्तिक २२, २०७६ बागेश्वरी पोस्ट

नेपालगन्ज । नेपाल तरुण दलका केन्द्रिय अध्यक्ष जित जङ्ग बस्नेतले आफ्ना कार्यकर्ता रिहाईको लागि कडा आन्दोलन गर्ने बताएका छन् ।आज नेपालगन्जमा तरुण दलका कार्यकर्ताहरुलाई भेटघाट तथा सम्बोधन गर्ने क्रम उनले सो कुरा बताएका हुन् ।

" नेपालगन्ज तरुण दल नगर सभापति सन्दिप जङ्ग शाह लगायत अन्य कार्यकर्ताहरु निर्दोश हुँदाहुँदै प्रहरीले उनीहरुलाई सुनियोजित ढंगले फसाएको हुँदा सिङ्गो तरुण अब मैदानमा आन्दोलनमा उत्रिदै छ,"अध्यक्ष बस्नेतले भने। नेपाल प्रहरीनै नेकपा सरकारको भइसकेकोले हाम्रा निर्दोष कार्यकर्तालाई उनीहरुको इशारामा फसाउन खोजेको अध्यक्ष बस्नेतले आरोप लगाए।

सम्बोधनकै क्रममा बस्नेतले भने अबको एउटैै बिकल्प सन्दिप लगायत कार्यकर्ता रिहाईको लागि कडा आन्दोलन।प्रहरीलाई नेकपाको चाकडी नगरी इमान्दारिताले काम गर्न बस्नेतले सुझाब समेत दिएका छन् । सरकार त हाम्रो पनि बन्ला नि? भोलीका दिनमा हाम्रो सरकार आयो भने नि । त्यो पनि प्रहरीले सोच्नै पर्ने कुरा रहेको बस्नेतले बताए।

पार्टी कार्यालयमा आयोजित तरुण कार्यकर्ता भेटघाट कार्यक्रममा तरुण दलका केन्द्रिय अध्यक्ष बस्नेतको प्रमुख आथित्य र तरुण दल बाँके अध्यक्ष बिरेन्द्र बहादुर शाहको अध्यक्षता सम्पन्न कार्यक्रममा नेपाली कांग्रेसका केन्द्रिय सदस्य किशोर सिंह राठौर, पार्टी सभापति किरण कोइराला, प्रदेश सभा सदस्य सुरेन्द्र बहादुर हमाल,पुर्व सांसदहरु मैखु लाल बाल्मिकी, बादशहा कुर्मी, पुर्व पार्टी सभापति युवराज शर्मा, तरुण दलका पुर्व केन्द्रिय महाचिब हुर्मत न्यूपाने, क्षेत्र नम्बर २ का कांग्रेस सभापति रमेश गुप्ता, तरुण दलका पुर्व केन्द्रिय सदस्य सुदिप नर्सिङ राणा लगायत कांग्रेस र तरुण दलका जिल्लाका नेता तथा कार्यकर्ताहरु उपस्थिति रहेको कार्यक्रम सन्चालन जिल्ला सचिब बिनोद रिजालले गरेका थिए।

प्रकाशित मिति: शुक्रबार, कात्तिक २२, २०७६ १५:०३