नेपालगञ्जमा हुने तरुण दलको आन्दोलनमा राष्ट्रीय सभा विपक्षी दलका नेता पाण्डे आउँदै

राजनीति

गृहपृष्ठ
राजनीति
नेपालगञ्जमा हुने तरुण दलको आन्दोलनमा राष्ट्रीय सभा विपक्षी दलका नेता पाण्डे आउँदै

नेपालगञ्जमा हुने तरुण दलको आन्दोलनमा राष्ट्रीय सभा विपक्षी दलका नेता पाण्डे आउँदै

आइतबार, कात्तिक २४, २०७६ बागेश्वरी पोस्ट

नेपालगन्ज । राष्ट्रीय सभा विपक्षी दलका नेता एबम नेपाली कांग्रेसका केन्द्रिय सदस्य सुरेन्द्र राज पाण्डे नेपालगन्ज आउँदै छन् । तरुण दल नेपालगन्ज नगर सभापति सन्दिप जङ्ग शाह लगायत अन्य कार्यकर्तालाई निर्दोष हुँदाहुँदै हतियार कान्डमा फसाएको भन्दै तरुण दल बाँकेले सोमबार देखि सुरु गर्न लागेको आन्दोलनलाई सम्बोधन गर्न नेता पाण्डे नेपालगन्ज आउन लागेको तरुण दल बाँकेका अध्यक्ष बिरेन्द्र बहादुर शाहले बताए। अध्यक्ष शाहका अनुसार नेता पाण्डे सगै आन्दोलनलाई सम्बोधन गर्न नेपाली कांग्रेस केन्द्रिय सदस्य एबम प्रतिनिधीसभा सदस्य किशोर सिंह राठौर समेत आउन लागेका छन् ।साथै तरुण दलका केन्द्रिय उपाध्यक्ष उत्तम चापागाईं समेत काठमाडौंबाट आउन लागेका हुन् । शनिबार नै तरुण दलका केन्द्रिय अध्यक्ष जित जङ्ग बस्नेतले पत्रकार सम्मेलन गर्दै अबको लडाइँ प्रहरी सग भएको बताइसकेका छन् । आन्दोलनमा नेपाली कांग्रेस बाँके सभापति किरण कोइराला सांसदहरु सुरेन्द्र हमाल, याकुब अन्सारी लगायत पुर्व सांसदहरुले समेत आन्दोलनमा साथ दिने भएको तरुण दल बाँकेले जानकारी दिएको छ।आन्दोलन जिल्ला प्रशासन कार्यालय बाँके अगाडी नै हुने भएको छ।

प्रकाशित मिति: आइतबार, कात्तिक २४, २०७६ १४:०२

प्रतिक्रिया दिनुहोस्