मन्त्रिमंडल फेरवदल गर्ने विषयमा सघन छलफल आज नेकपाको सचिवालय बैठक

राजनीति

गृहपृष्ठ
राजनीति
मन्त्रिमंडल फेरवदल गर्ने विषयमा सघन छलफल आज नेकपाको सचिवालय बैठक

मन्त्रिमंडल फेरवदल गर्ने विषयमा सघन छलफल आज नेकपाको सचिवालय बैठक

सोमबार, कात्तिक २५, २०७६ बागेश्वरी पोस्ट

काठमाडौं। मन्त्रिमंडल फेरवदल गर्ने विषयमा सघन छलफल सुरु भएको छ । प्रधानमन्त्री केपी ओली र नेकपा अध्यक्ष पुष्पकमल दाहाल ‘प्रचण्ड’बीच मन्त्रिपरिषद् हेरफेरको विषयमा आइतबार छलफल भयो । आइतबार दिउँसो प्रधानमन्त्रीको सरकारी निवास बालुवाटारमा करिब दुई घण्टा छलफल भएको हो। आइतबारको छलफलका आधारमा आज सोमबार नेकपाको सचिवालयमा बैठक बस्दैछ ।

केही नयाँ मन्त्री ल्याउने र केही हटाउने विषयमा छलफल भएको छ । पूर्व नेकपा र पूर्व माओवादीबाट नाम तयार गरिदैछ । पूर्व माओवादीबाट गृहमन्त्री रामबहादुर थापा, उद्योगमन्त्री मातृका यादवलाई हटाउन तयारी छ । पूर्व एमालेबाट महिला बालबालिकामन्त्री थममाया थापालाई हटाउने तयारी भएको छ । अरु नाममा विषयमा छलफल चलिरहेको छ । मन्त्री कायम रहेपनि केहीको मन्त्रालय हेरफेर हुनेछ ।

सञ्चारमन्त्री गोकूल बास्कोटालाई हटाउने या मन्त्रालय फर्नेमा टुङगो लागेको छैन । अध्यक्ष ‘प्रचण्ड’ नेता सुवास नेम्वाङसहितका नेताको मत बास्कोटालाई हटाउनेपर्नेमा देखिएको छ । तीन पटक संसदीय चुनाव जितेका वसन्त नेम्वाङलाई मन्त्री बनाउन प्रधानमन्त्री ओली र अध्यक्ष प्रचण्ड सहमत छन्। प्रभु शाहलाई पनि मन्त्री बनाउने तयारी छ ।

प्रकाशित मिति: सोमबार, कात्तिक २५, २०७६ ०९:४६

प्रतिक्रिया दिनुहोस्