समाजबादी पार्टी केही समयका लागि सरकारमै बस्ने

राजनीति

गृहपृष्ठ
राजनीति
समाजबादी पार्टी केही समयका लागि सरकारमै बस्ने

समाजबादी पार्टी केही समयका लागि सरकारमै बस्ने

बिहीबार, कात्तिक २८, २०७६ बागेश्वरी पोस्ट

फाइल फोटो

काठमाडौं । समाजवादी पार्टीले केही समयका लागि सरकार नछाड्ने बताएको छ ।

सरकार छाड्नुपर्ने मत राख्दै आएका संघीय परिषद् अध्यक्ष डा. बाबुराम भट्टराईले नै मध्यमार्गी प्रस्ताव राखेपछि सरकारबाट बहिर्गमन तत्काललाई टरेको छ । यद्यपि लामो समय सरकारमा बसिरहने अवस्था नभएको नेताहरु बताउँछन् ।

नयाँ शक्ति र संघीय समाजवादी पार्टीबीच एकता गर्दादेखि नै सरकारमा बसिरहने कि बाहिरिने भन्नेमा बहस हुँदै आएको छ । भट्टराई पक्षले तत्काल सरकार छाड्नुपर्ने मत राख्दै आए पनि अध्यक्ष उपेन्द्र यादव पक्ष सहमत भएको छैन । बुधबार पदाधिकारी बैठकमा पनि सरकारमा बसिरहने कि छाड्ने भन्ने बहस भएको थियो ।

तर पार्टी नेताहरु मध्यमार्गी लाइनमा सहमत भएका छन् । बिहीबार बसेको पार्टीको पहिलो संघीय परिषद् बैठकमा पनि भट्टराईले मध्यमार्गी प्रस्ताव पेश गरेका छन् । पार्टी केही समय सम्म सरकारमा बस्ने छ।

प्रकाशित मिति: बिहीबार, कात्तिक २८, २०७६ १५:०५

प्रतिक्रिया दिनुहोस्