दाङमा प्रथम लक्ष्मण डाँगी स्मृति फुटसल हुँदै

खेलकुद

गृहपृष्ठ
खेलकुद
दाङमा प्रथम लक्ष्मण डाँगी स्मृति फुटसल हुँदै

दाङमा प्रथम लक्ष्मण डाँगी स्मृति फुटसल हुँदै

सोमबार, माघ १२, २०७७ लक्ष्मण बस्नेत

दाङ ।दाङको घोराहीमा संचालन हुने प्रथम लक्ष्मण डाँगी स्मृति फुटसल प्रतियोगिता २०७७ को तयारी लाई तिब्र पारिएको छ । लक्ष्मण डाँगी स्मृति फुटसल प्रतियोगिता मुल आयोजक कमिटीको आयोजनामा यहि माघ १६ गतेदेखि सुरु हुुने प्रतियोगितालाई भब्य एवं सभ्य बनाउन यतिबेला टिम दर्ता,प्रचारप्रसार, आर्थिक ब्यबस्थापन,लगायतको तयारीलाई तिब्र पारिएको आयोजकले जानकारी दिएको छ । २०७५ साल मङ्सिर १२ गते घोराही १७ मा निर्माण गरिएको कृतिम जलासयमा डुबेर मृत्यु भएका डाँगीको सम्झनामा प्रतियोगीता आयोजना गरिएको हो । स्थानिय स्तरमा फुटसल खेलको पहुँच अभिवृद्धि गर्ने उदेश्यका साथ आयोजना गरिएको प्रतियोगितामा दर्जन बढी टिमको सहभागिता रहने प्रतियोगिता संचालन मुल समितीका संयोजक सन्दिप वलीले जानकारी दिनुभएको छ । बिश्वब्यापी रुपमा फैलिएको कोरोना भाईरसका कारण ठप्प बनेको स्थानिय स्तरको खेल गतिबिधीलाई चलाएमान बनाउन सुरक्षा सम्बन्धित सम्पुर्ण मापदण्ड अपनाउदै स्पोर्ट्स एरिना घोराही १७ गैरागाउँमा प्रतियोगिता संचालन गरिने छ । प्रतियोगिताको बिजेता टिमले नगद ४९ हजार ९ सय ९९ तथा उपबिजेता टिमले १९ हजार ९ सय ९९ कप,मेडल, प्रमाणपत्र हात पार्ने संयोजक वलीले जानकारी दिनुभएको छ।

प्रकाशित मिति: सोमबार, माघ १२, २०७७ ०९:५१

प्रतिक्रिया दिनुहोस्