जिल्ला अदालत काठमाडौंको निर्णय बिरुद्ध निबर्तमान सभामुख महराद्वारा उच्च अदालतमा निबेदन दर्ता

राजनीति

गृहपृष्ठ
राजनीति
जिल्ला अदालत काठमाडौंको निर्णय बिरुद्ध निबर्तमान सभामुख महराद्वारा उच्च अदालतमा निबेदन दर्ता

जिल्ला अदालत काठमाडौंको निर्णय बिरुद्ध निबर्तमान सभामुख महराद्वारा उच्च अदालतमा निबेदन दर्ता

बिहीबार, मंसिर ५, २०७६ बागेश्वरी पोस्ट

null

काठमाडौं । निवर्तमान सभामुख कृष्ण बहादुर महरा उच्च अदालत पाटनमा निबेदन दर्ता गराएका छन् । बलात्कारको प्रयास गरेको अभियोगमा कारागारमा रहेका निवर्तमान सभामुख कृष्णबहादुर महराले थुनामा पठाउने आदेशविरुद्ध निवेदन दर्ता गराएका छन् ।

जिल्ला अदालत, काठमाडौंको आदेश बदर गर्न माग गर्दै महराले उच्च अदालतमा निवेदन दर्ता गराएका हुन् ।फौजदारी कार्यविधि संहिता २०७४ मा रहेको व्यवस्था बमोजिम बिहीबार महराले निवेदन दिएको अदालतका सूचना अधिकारी मोहन सुवेदीले बताए ।

जिल्ला अदालत, काठमाडौंका न्यायाधीश सुदर्शनराज पाण्डेको इजलासले १८ कात्तिकमा महरालाई पुर्पक्षका लागि थुनामा पठाउने आदेश दिएको थियो । घटना विवरण कागजात, जाहेरी दरखास्त, मौकामा कागज गर्नेहरुको बयान र तत्काल प्राप्त प्रमाणको आधारमा महरा कसूरदार होइन भन्न नसकिएको भन्दै उनलाई थुनामा पठाउन आदेश भएको थियो ।त्यसयता उनी डिल्लीबजार कारागारमा छन् ।

प्रकाशित मिति: बिहीबार, मंसिर ५, २०७६ २०:२२