शनिवारदेखि खुला भलिबल प्रतियोगिता सुरु हुँदै

खेलकुद

गृहपृष्ठ
खेलकुद
शनिवारदेखि खुला भलिबल प्रतियोगिता सुरु हुँदै

शनिवारदेखि खुला भलिबल प्रतियोगिता सुरु हुँदै

शुक्रबार, फागुन १४, २०७७ लक्ष्मण बस्नेत

तुलसीपुर दाङ । दाङ तुलसीपुर अरनिको मैदानमा जिल्लाकै सर्वाधिक ठूलो पुरस्कार राशीको खुला पुरुष भलिबल प्रतियोगिता २०७७ भोलि शनिवारदेखि हुदैछ ।

नेपाल गणतान्त्रिक खेलकुद महासंघको आयोजनामा संचालन हुन लागेको प्रतियोगिताको बिहान १२ बजे उद्घाटन गरिने कार्यक्रम तय गरिएको छ । सबैका लागि खेलकुद, खेलकुदमा बैज्ञानिक नयाँ संरचना अमुल परिबर्तन भन्ने मुल नाराका साथ स्थानिय स्तरमा भलिबल खेलको पहुँच अभिवृद्धि गर्दै प्रतिभावान खेलाडीको पहिचान र बिकासमा टेवा पुर्‍याउने उदेश्यका साथ आयोजना गरिएको प्रतियोगितामा झण्डै १५ बढी टिमको सहभागिता रहने नेपाल गणतान्त्रिक खेलकुद महासंघका केन्द्रिय अध्यक्ष जयन्द्र बहादुर चन्दले जानकारी दिनुभएको छ ।

बिश्वब्यापी रुपमा फैलिएको कोरोना भाईरसका कारण ठप्प बनेको स्थानिय स्तरको खेल गतिबिधीलाई चलाएमान बनाउन सुरक्षा सम्बन्धित सम्पुर्ण मापदण्ड अपनाउदै संचालन गरिने प्रतियोगिताको बिजेता, उपबिजेता, तृतीय र सान्त्वना स्थान हासिल गर्ने टिमले क्रमशः नगद १ लाख, ५० हजार २५ हजार र १५ हजार तथा कप, मेडल, प्रमाणपत्र हात पार्ने छन् ।

त्यस्तै खेल अबधिभर उत्कृष्ट खेल प्रदर्शन गर्ने ब्यक्तिगत बिधा तर्फ खेलाडीहरुलाई पुरस्कृत गरिने नेपाल गणतान्त्रिक खेलकुद महासंघका केन्द्रीय महासचिव बिनोद चन्दले जानकारी दिनु भएको छ ।

आयोजकले प्रतियोगिताको उद्घाटन समारोहलाई भब्य एवं सभ्य बनाउन खेलप्रेमी, खेलाडी, समाजसेवी, बुद्धिजीवी, उधोगी, ब्यबासायी, नागरिक समाज, पत्रकार लगायत सबैमा उपस्थितिको लागि हार्दिक अनुरोध गरेको छ ।

प्रकाशित मिति: शुक्रबार, फागुन १४, २०७७ १९:२४

प्रतिक्रिया दिनुहोस्