अक्सिजनको आपूर्ति रोक्नेलाई फाँसी दिन अदालतको आदेश

स्वास्थ्य

गृहपृष्ठ
स्वास्थ्य
अक्सिजनको आपूर्ति रोक्नेलाई फाँसी दिन अदालतको आदेश

अक्सिजनको आपूर्ति रोक्नेलाई फाँसी दिन अदालतको आदेश

आइतबार, वैशाख १२, २०७८ बागेश्वरी पोस्ट

नेपालगन्ज । अक्सिजनको अभावमा कोरोना भाइरसका बिरामीको धमाधम ज्यान जान थालेपछि अदालत खरो भएर उत्रिएको छ। अदालतले अक्सिजन आपूर्तिमा अवरोध गर्नेलाई फाँसी दिन आदेश दिएको छ ।

दिल्ली उच्च अदालतले शनिबार यदि कोही केन्द्र सरकार, राज्य सरकार वा फेरि स्थानीय प्रशासनका कुनै अधिकारीले अक्सिजन आपूर्तिमा अवरोध गरे उसलाई फाँसी दिने बताएको छ ।

न्यायाधीश विपिन सांघी र रेखा पल्लीको बेञ्चले अक्सिजन आपूर्तिमा अवरोध गर्नेलाई कुनै माफी दिन नसकिने जनाउँदै यस्तो आदेश दिएको हो ।

दिल्लीको एक अस्पतालले अदालतमा उजुरी गरेपछि अदालतको उक्त कडा आदेश आएको हो ।

उच्च अदालतले दिल्लीलाई पूरै अक्सिजन कहिलेसम्म प्राप्त हुन्छ भनी सोधेको छ । त्यस्तै अदालतले कोरोना उच्च बिन्दूमा पुग्दा त्यसको व्यवस्थापन कसरी हुन्छ भनीसमेत सोधेको छ।

भारतमा अहिले कोरोनाका संक्रमित र मृतक यसरी बढेका छन् कि कुनै अनि अस्पतालमा उपचारका लागि बेड खाली छैनन् । हाम्राकुराबाट।

प्रकाशित मिति: आइतबार, वैशाख १२, २०७८ ०८:४८

प्रतिक्रिया दिनुहोस्