काठमाडौं उपत्यकामा बैशाख १६ मध्य रातीबाट निषेधाज्ञा

स्वास्थ्य

गृहपृष्ठ
स्वास्थ्य
काठमाडौं उपत्यकामा बैशाख १६ मध्य रातीबाट निषेधाज्ञा

काठमाडौं उपत्यकामा बैशाख १६ मध्य रातीबाट निषेधाज्ञा

सोमबार, वैशाख १३, २०७८ बागेश्वरी पोस्ट

नेपालगन्ज । कोरोना संक्रमणको जोखिमलाई मध्यनजर गरेर काठमाडौँ उपत्यकामा १६ वैशाख मध्य रातीबाट निषेधाज्ञा जारी गरिने तयारी भएको छ।

केही बेरअघि सम्पन्न काठमाडौँ, भक्तपुर र ललितपुरका प्रमुख जिल्ला अधिकारीहरूको संयुक्त बैठकले १६ वैशाख मध्यरातबाट उपत्यकामा निषेधाज्ञा लगाउने निर्णय गरेका हुन् । निर्णय ड्राफ्ट तयार गरेर सार्वजनिक गर्ने तयारी हुँदैछ ।

उपत्यकाका एक प्रमुख जिल्ला अधिकारीका अनुसार निषेधाज्ञामा काठमाडौँ उपत्यका भित्र निजी तथा सार्वजनिक यातायातका साधन सञ्चालन गर्न पूर्ण रूपमा बन्द गरिने छ । यस्तै कार्यालयहरू आधा मात्रै कर्मचारी राखेर सञ्चालन गरिने छ ।

‘निषेधाज्ञामा काठमाडौँ उपत्यका भित्र निजी तथा सार्वजनिक यातायातका साधन बन्द हुने छन्, कार्यालयहरू आधा मात्रै कर्मचारी राखेर सञ्चालन गर्नु पर्ने छ,’ एक जना प्रमुख जिल्ला अधिकारीले हाम्रा कुरासँग भने ।

यसै गरी होटेल तथा रेष्टुरेण्टहरुबाट प्रत्यक्ष रूपमा दिइने सेवासमेत पूर्ण रूपमा बन्द गरिने निर्णय भएको छ तर प्याकिङ तथा हो डेलिभरीको सेवालाई भने बन्द नगरिने निर्णय भएको बताइएको छ ।

यसै गरी अत्यावश्यक सेवा दिने किसिमका पसलहरू मात्र सञ्चालन गर्न दिइने छ । जसअन्तर्गत औषधी, खाद्य वस्तु, तरकारी, दूध लगायतका पसलहरू मात्रै सञ्चालन गर्न पाइने छ ।

प्रकाशित मिति: सोमबार, वैशाख १३, २०७८ १५:०६