टाटा टिगोर इभी नेपालमा, मूल्य ३० लाख

अर्थ

गृहपृष्ठ
अर्थ
टाटा टिगोर इभी नेपालमा, मूल्य ३० लाख

टाटा टिगोर इभी नेपालमा, मूल्य ३० लाख

बिहीबार, फागुन ५, २०७८ बागेश्वरी पोस्ट

नेपालगन्ज । टाटा मोटर्सको दोस्रो इलेक्ट्रिक कार टिगोर नेपालमा भित्रिएको छ । आधिकारिक बितरक सिप्रद्धीका अनुसार कम्प्याक्ट सेडान सेग्मेन्ट अन्तर्गतको यो कारलाई एक्सई, एक्सएम र एक्सजेड प्लस भेरियन्टमा उपलब्ध गराइएको छ । सुरुवाती भेरियन्ट एक्सईलाई २९ लाख ९९ हजार, मिडियम भेरियन्ट एक्सएमलाई ३१ लाख ४९ हजार र टप भेरियन्ट एक्सजेड प्लसलाई ३२ लाख ९९ हजार रुपैयाँ तोकिएको छ ।

यो कारमा २६ किलोवाटको लिक्विड–कुल्ड ब्याट्री प्याक जडान गरिएको छ । यो कारलाई जुनकुनै मौसममा सहजै चलाउन सकिने बताइएको छ । यसमा जडान गरिएको विद्युतीय मोटरले ७४ बिएचपी ९५५ किलोवाट पावर र १७० एनएम टर्क जेनेरेट गर्छ ।

यसमा दिइएको ब्याट्रीलाई २५ किलोवाटको डिसी चार्जरबाट ६५ मिनेटमा ८० प्रतिशत चार्ज गर्न सकिन्छ । त्यसैगरी १५ एएमपी प्लगबाट समेत चार्ज गर्न सकिने हुँदा ग्राहकले आफ्नो घर वा कार्यलयमा हुने चार्जिङ पोर्टबाट सजिलै चार्ज गर्न सक्नेछन । यसरी चार्ज गर्दा भने ८ घण्टा ४५ मिनेटमा ८० प्रतिशतसम्म चार्ज गर्न सकिन्छ । यो नयाँ कारलाई ड्राइभ र स्पोर्ट गरी दुई मोडमा चलाउन सकिन्छ ।

टिगोरको ड्यासबोर्डलाई फिक्का ग्रे र कालो थिम सहित डुअल–टोन कलरमा समायोजन गरिएको छ । यो कारमा ७ इन्चको हर्मन इन्फोटेनमेन्ट टचस्क्रिन, अटोमेटिक क्लाइमेट कन्ट्रोल, डिजिटल एलसिडी इन्स्ट्रुमेन्ट क्लस्टर, अटो एसी, एडजस्ट गर्न मिल्ने ड्राइभर सिट लगायतका विशेषताहरू दिइएको छ । त्यस्तै, स्मार्ट की पुस–बटन स्टार्ट र पोर्टेबल चार्जिङ केबल पनि उपलब्ध गराइएको छ । यसको अतिरिक्त चालक र यात्रु सहजताको लागि रिमोट कमान्ड र रिमोट डाइगोनिस्टिक सहित ३० भन्दा बढी अन्य कनेक्टिभिटी फिचर्स उपलब्ध गराइएको छ ।

डुअल एयर ब्याग, इबिडीसहितको एबिएस प्रविधि, रिअर पार्किङ सेन्सर, रिअर पार्किङ क्यामेरा, सिट बेल्ट रिमाइन्डर जस्ता विशेषताले यो कारलाई सुरक्षित बनाएको दाबी गरिएको छ । कम्पनीले यसको ब्याट्री र मोटरमा ८ वर्ष अर्थात १ लाख ६० हजार किलोमिटरको वारेन्टी दिने बताएको छ ।

प्रकाशित मिति: बिहीबार, फागुन ५, २०७८ १९:४१