घोडा-खच्चडधनीलाई तीन दिनभित्र छाडा पशुको व्यवस्थापन गर्न निर्देशन

स्थानीय

गृहपृष्ठ
स्थानीय
घोडा-खच्चडधनीलाई तीन दिनभित्र छाडा पशुको व्यवस्थापन गर्न निर्देशन

घोडा-खच्चडधनीलाई तीन दिनभित्र छाडा पशुको व्यवस्थापन गर्न निर्देशन

मंगलबार, असार १९, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाका नगर प्रमुख प्रशान्त विष्टले छाडा छाडिएका पशुचौपाया तीन दिनभित्र व्यवस्थापन गर्न पशुधनीहरुलाई निर्देशन दिएका छन् । छाडा पशुचौपाया व्यवस्थापन र नियन्त्रणको पहलस्वरुप आज नगर प्रमुख विष्टले नेपालगञ्जमा परम्परागतरुपमा घोडा र खच्चड पाल्ने कसगर समुदायसंग छलफल गर्दै पशुचौपाया छाडा नछाड्न निर्देशन दिएका हुन् ।

No description available.

एनिमल नेपालको आयोजनामा भएको कार्यक्रममा उनले अटेर गरे पशुधनीहरुलाई कानुनी कारवाहीको दायरामा ल्याइने चेतावनी दिए । सडक दुर्घटना, बालीनाली नोक्सानी र सहरको सुन्दरताको बाधक बनिरहेका पशुचौपायाहरुको नियन्त्रणका लागि पशुधनी स्वयम् गम्भीर र जिम्मेवार बन्नुपर्ने बताए । पशुधनीहरुको गैरजिम्मेवारीपनले समस्या बढेको बताउँदै उनले आफ्नो व्यवहारमा परिवर्तन ल्याउन आग्रह गरे ।

पशुधनीहरुले आफ्ना पशुचोपाया छाडा नछाड्ने प्रतिबद्धता जनाएका छन् । करिब ५ दर्जन घोडा-खच्चडधनी उपस्थित कार्यक्रम एनिमल नेपालका पशु चिकित्सक अतिसकुमार यादवको अध्यक्षतामा सम्पन्न भएको थियो । नेपालगञ्जमा करिब २ सय जनाले घोडा-खच्चड पाल्ने गरेका छन् ।

No description available.