सेनेटरी प्याड बनाउन सिक्दै नेपालगन्जका मुस्लिम महिला

स्थानीय

गृहपृष्ठ
स्थानीय
सेनेटरी प्याड बनाउन सिक्दै नेपालगन्जका मुस्लिम महिला

सेनेटरी प्याड बनाउन सिक्दै नेपालगन्जका मुस्लिम महिला

बिहीबार, वैशाख २५, २०८२ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १ का मुस्लिम समुदायका ३० जना महिलाहरुले सेनेटरी प्याड बनाउन सिकिरहेका छन् । मुस्लिम समुदायका महिलाहरुलाई स्वस्थ जीवनशैली र सेनेटरी प्याडबाट आत्मनिर्भर बनाउने उद्देश्यले नेपालगञ्जमा गरिएको तालिम आजदेखि तीन दिनसम्म चल्नेछ । तालिमबाट महिलाहरुले सेनेटरी प्याड बनाउन सिक्ने अपेक्षा लिइएको छ ।

लुम्बिनी प्रदेशका सांसद मिना श्रेष्ठको संयोजनमा लुम्बिनी प्रदेश सरकार स्वास्थ्य मन्त्रालयको आर्थिक सहयोग, स्वास्थ्य कार्यालय बाँकेको आयोजना र नेपालगञ्ज उपमहानगरपालिका वडा नम्बर १ को समन्वयमा तालिम गरिएको हो । मुस्लिम समुदायका महिलाहरुलाई आत्मनिर्भर बनाउन सेनेटरी प्याड बनाउने मात्र नभएर अन्य बिषयमा पनि जानकार बनाउन आवश्यक रहेको सांसद श्रेष्ठले बताइन् । उनले तालिम संचालन गर्नु अगाडि मुस्लिम समुदायका महिलाहरुको अपेक्षाबारे अध्ययन गरिएको बताइन् ।

तालिमको सहजीकरण पुष्पा शर्माले गरिरहेकी छिन् । उनले १७ बर्षदेखि ३६ बर्ष उमेर समूहका महिलाहरुले सेनेटरी प्याड बनाउन सिकिरहेको बताइन् । घरेलु सेनेटरी प्याडको प्रयोग गर्दा बचत हुनुका साथै वायु प्रदुषण पनि नहुने सहजकर्ता शर्माले बताइन् । उनका अनुसार एउटा प्याड कम्तीमा ४ महिनासम्म प्रयोग गर्न सकिन्छ । १ मिटर कपडाबाट ४ वटा प्याड बनाउन सकिने पनि उनले बताइन् ।

प्रकाशित मिति: बिहीबार, वैशाख २५, २०८२ १६:२०