प्रेस युनियन बाँकेले तीज विशेष खोजमूलक स्टोरी लेखन प्रतियोगिता गर्ने

स्थानीय

गृहपृष्ठ
स्थानीय
प्रेस युनियन बाँकेले तीज विशेष खोजमूलक स्टोरी लेखन प्रतियोगिता गर्ने

प्रेस युनियन बाँकेले तीज विशेष खोजमूलक स्टोरी लेखन प्रतियोगिता गर्ने

सोमबार, भदौ १८, २०८० बागेश्वरी पोस्ट

नेपालगञ्ज । नेपाल प्रेस युनियन बाँके शाखाले हिन्दु महिलाहरुको पर्व हरितालिका तीजको अवसरमा तीज विशेष खोजमूलक स्टोरी लेखन प्रतियोगिता गर्ने भएको छ । प्रेस युनियन बाँके शाखाको बैठकले बाँकेमा क्रियाशील महिला पत्रकारहरुलाई लक्षित गरेर तीज सम्बन्धि खोजमूलुक स्टोरी लेखन प्रतियोगिता गर्ने निर्णय गरेको सचिव भिष्म लोधले बताए ।

स्टोरी लेखन प्रतियोगितामा प्रथम, द्वितीय र तृतीय हुने महिला पत्रकारलाई नगदसहित पुरस्कृत गर्ने शाखाले निर्णय गरेको छ । तीज पर्वको अवसरलाई युनियन बाँकेले रचनात्मक काम गर्ने उद्देश्यले तीज विशेष खोजमूलक स्टोरी लेखन प्रतियोगिता गर्न लागेको हो । युनियन बाँके शाखाले प्रतियोगितामा सहभागिताको लागि बाँकेमा क्रियाशील सम्पूर्ण महिला पत्रकारलाई सार्वजनिकरुपमा आह्वान समेत गरेको छ ।

यसैगरी नेपाल प्रेस युनियन बाँकेका संस्थापक स्वर्गीय पन्नालाल गुप्त ‘चाचा’को ९५औं जन्मजयन्तीको अवसरमा शाखाले विविध कार्यक्रम गर्ने निर्णय गरेको छ । युनियन बाँकेले संस्थापक अध्यक्ष गुप्तको जन्मजयन्तीको अवसरमा आगामी यही भाद्र २६ गते पत्रकारहरुका लागि निःशुल्क स्वास्थ्य परीक्षण शिविरको आयोजना गर्ने भएको हो । बाँकेको पत्रकारितामा महत्वपूर्ण योगदान दिएका संस्थापक अध्यक्ष गुप्तको जीवनी विशेष बिचार गोष्ठी समेत गर्ने निर्णय गरेको सचिव लोधले जानकारी दिए । गोष्ठीमा गुप्तले मोफसलको पत्रकारिता क्षेत्रको विकासमा पु¥याएको योगदान र पत्रकारिताको बारेमा चर्चा गरिनेछ ।

प्रकाशित मिति: सोमबार, भदौ १८, २०८० १८:१०

प्रतिक्रिया दिनुहोस्