राप्तीसोनारीको सिद्धेश्वरी प्राविमा निःशुल्क कोचिङ कक्षा

स्थानीय

गृहपृष्ठ
स्थानीय
राप्तीसोनारीको सिद्धेश्वरी प्राविमा निःशुल्क कोचिङ कक्षा

राप्तीसोनारीको सिद्धेश्वरी प्राविमा निःशुल्क कोचिङ कक्षा

मंगलबार, फागुन ११, २०७७ बागेश्वरी पोस्ट

राप्तीसोनारी(बाँके) । बाँकेको राप्तीसोनारी गाउँपालिका वडा नम्बर ५ टडुवास्थित सिद्धेश्वरी प्राथमिक विद्यालयले विद्यार्थीहरुका लागि निःशुल्क कोचिङ कक्षा सञ्चालन गरेको छ । विद्यार्थीहरुको शैक्षिक विकासका लागि विद्यालयले निःशुल्क कोचिङ कक्षा सञ्चालन गरेको हो ।

कोरानाका कारण लामो समय बन्द भएको विद्यालय गत मंसिर ३ गते मात्रै सुचारु भएको थियो । त्यस पश्चात् मंसिर १३ गतेदेखि विद्यालयले निरन्तर निःशुल्क कोचिङ कक्षा सञ्चालन गरिरहेको विद्यालय व्यवस्थापन समितिका अध्यक्ष चन्द्र बहादुर गिरीले बताउनुभयो । पहिलो चरणमा तीन महिनाका लागि सञ्चालित कोचिङ कक्षा प्रभावकारी बन्दै गएपछि अब भने २०७८ चैत ३० गतेसम्म निरन्तर सञ्चालन हुने गिरीले जानकारी दिनुभयो ।

कोचिङ कक्षा सञ्चालनका लागि जापानमा बस्दै आउनुभएका सहविर कुँवर र कोरियामा बस्ने शिव प्रसाद गिरीले आर्थिक सहयोग गर्नुभएको छ । उहाँहरुले विद्यालयको भौतिक एवम् शैक्षिक सुधारका लागि आफूहरुले आगामी दिनमा पनि सक्दो सहयोग गर्ने प्रतिबद्धता व्यक्त गर्नुभएको छ । विद्यालयको पढाई स्तरमा सुधार हुँदै गएपछि अहिले विद्यार्थी पनि बढेका छन् ।

बालमैत्री शिक्षाका लागि विद्यालय प्रयासरत रहेको विद्यालय व्यवस्थापन समितिका अध्यक्ष गिरीले बताउनुभयो ।

No description available.