वडा नं ४ को सिसीटिभी जडित अक्सिजनयुक्त आइसोलेसन आइतबारबाट सुरु हुने

स्थानीय

गृहपृष्ठ
स्थानीय
वडा नं ४ को सिसीटिभी जडित अक्सिजनयुक्त आइसोलेसन आइतबारबाट सुरु हुने

वडा नं ४ को सिसीटिभी जडित अक्सिजनयुक्त आइसोलेसन आइतबारबाट सुरु हुने

बिहीबार, वैशाख १६, २०७८ बागेश्वरी पोस्ट

नेपालगन्ज । नेपालगन्ज वडा नम्बर ४ ले निर्माण सुरु गरेको अक्सिजन सहितको १० बेडको कोभिड आइसोलेसन अन्तिम चरणमा पुगेको छ ।

अक्सिजन आबश्यक पर्ने कोरोनाका विरामीले अस्पतालमा बेड नपाउने समस्या सिर्जना भएपछि अक्सिजन सहितको १० बेडको कोभिड आइसोलेसन आइतबारदेखि सन्चालन हुने वडा अध्यक्ष मोहम्मद सफिक बेहनाले बताए ।

कोभिड आइसोलेसन निर्माणमा वडा अध्यक्ष बेहना, कार्यपालिका सदस्य इन्दिरा शाही,सदस्य मेनुका जोशी, वडा सचिब गौरी शाही लगायत सबै आफै खटिएका छन् । आइसोलेसनका लागि बेड राख्ने काम सकिएको अध्यक्ष बेहनाले भने। अध्यक्ष बेहनाका अनुसार आइसोलेसनमा ३ वटा सिसिटिभी क्यामेरा, वाइफाई सबै जडान गरिने भएको छ। अक्सिजन सिलिन्डर भने आज नै जडान गरिने छ।

अस्पताल संचालनका लागि २ जना मेडिकल अफिसर,४ जना स्टाफ नर्सका लागि वडा कार्यालयले दर्खास्त आबहान गरिसकेकोले इच्छुक सम्बन्धित सबैले आबेदन दिन अध्यक्ष बेहनाले अनुरोध गरेका छन् ।

प्रकाशित मिति: बिहीबार, वैशाख १६, २०७८ ०९:४४

प्रतिक्रिया दिनुहोस्