सशस्त्र प्रहरीद्वारा बाँकेको खजुराबाट साढे ५ लाख बढीको कपडा बरामद

स्थानीय

गृहपृष्ठ
स्थानीय
सशस्त्र प्रहरीद्वारा बाँकेको खजुराबाट साढे ५ लाख बढीको कपडा बरामद

सशस्त्र प्रहरीद्वारा बाँकेको खजुराबाट साढे ५ लाख बढीको कपडा बरामद

सोमबार, मंसिर ६, २०७८ बागेश्वरी पोस्ट

नेपालगन्ज । बाँकेको खजुराबाट सशस्त्र प्रहरीले भन्सार छली गरेर ल्याइँदै गरिएका ठूलो परिमाणमा अवैध लत्ताकपडा बरामद गरेको छ ।

नेपालगन्जस्थित सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी सहायक निरीक्षक तिर्थ भाटको कमान्डमा गएको टोलीले भारतबाट भन्सार छली गरेर खजुरा हुँदै ल्याउँदै गरेको ठुलो परिमाणको अवैध लत्ताकपडा बरामद गरेको सशस्त्र प्रहरी उपरीक्षक अशोक बमले जानकारी दिएका छन् ।

बिशेष सूचनाका आधारमा आज बिहान ४ बजे सहायक निरीक्षक भाटको कमान्डमा गएको टोलीले खजुरा गाउँपालिका वडा नम्बर ७ सिमलघारीबाट भारतबाट लुकाईछिपाई नेपालगन्ज ल्याउँदै गरिएको ५ लाख ५८ हजार रुपैयाँ बराबरको लत्ताकपडा बरामद गरेको सशस्त्र प्रहरी उपरीक्षक बमले बताए ।

सशस्त्र प्रहरी उपरीक्षक बमका अनुसार बरामद गरिएका अवैध लत्ताकपडामा २ लाख ८८ हजार रुपैयाँ बराबरको सुटपाइन्टको २८८ थान कपडा र २ लाख ७० हजार रुपैयाँ बराबरको ९० पिस बिवाहामा लगाउने साडी रहेका छन् ।

बरामद गरिएका सबै अवैध लत्ताकपडालाई आबश्यक कारबाहीको लागि नेपालगन्ज भन्सार कार्यालय बुझाइएको सशस्त्र प्रहरी उपरीक्षक बमले जानकारी दिएका छन् ।

प्रकाशित मिति: सोमबार, मंसिर ६, २०७८, १५:३२:००