नयाँदिल्लीमा अदालतमा वयान दिन आएकी महिलामाथी गोली प्रहार

विश्व

गृहपृष्ठ
विश्व
नयाँदिल्लीमा अदालतमा वयान दिन आएकी महिलामाथी गोली प्रहार

नयाँदिल्लीमा अदालतमा वयान दिन आएकी महिलामाथी गोली प्रहार

शुक्रबार, वैशाख ८, २०८० बागेश्वरी पोस्ट

नेपालगन्ज । अदालतमा वयान दिन पुगेकी एक महिलामाथी भारतको नयाँदिल्लीस्थित एक अदालतमा गोली प्रहार भएको छ । आज बिहान अदालत परिसरमा गोली लागेर ४२ वर्षीया राधा नाम गरेकी महिला घाइते भएकी हुन् ।

उनीमाथि लगातार ४ वटा गोली हानिएको थियो। उनक एम्स अस्पतालमा उपचार भइरहेको छ । ती महिलामाथि बिहान १०ः३० बजे गोली लागेको थियो ।

उनको पेट र हातमा तीन वटा गोली लागेको थियो । गोली लागेर एक वकिल पनि घाइते भएका छन् । सो गोली हानेपछि आक्रमणकारी क्यान्टिनको गेटबाट भागेका थिए ।

वकिलको भेषमा आएका आक्रमणकारीले महिलालाई ताकेर गोली हानी हत्या गरेका हुन् । उनी निलम्बित वकिल भएको बताइएको छ । कडा सुरक्षाबीच गोली चलेपछि यहाँ भागभाग मच्चिएको थियो । अदालत परिसरमा भीडभाड भएको समयमा नै ती आक्रमणकारी भित्र प्रवेश गरेको बताइएको छ।

आरोपित महिला विरुद्ध ठगी मुद्दा दायर भएको थियो । आज उनको सुनवाई थियो । अदालत भित्र दिन दहाडै गोली हानिएको घटनालाई लिएर दिल्ली प्रहरीको सुरक्षा संयन्त्रमाथि प्रश्न उठाइएको छ ।

दिल्लीका मुख्यमन्त्री अरविन्द केजरीवालले यस घटनालाई लिएर सुरक्षा व्यवस्थालाई लिएर केन्द्र सरकारमाथि प्रश्न उठाएका छन् ।

प्रकाशित मिति: शुक्रबार, वैशाख ८, २०८० १३:४५