राजस्थानमा ट्रकले बसलाई ठक्कर दिंदा ११ जनाको घटनास्थलमै मृत्यु

विश्व

गृहपृष्ठ
विश्व
राजस्थानमा ट्रकले बसलाई ठक्कर दिंदा ११ जनाको घटनास्थलमै मृत्यु

राजस्थानमा ट्रकले बसलाई ठक्कर दिंदा ११ जनाको घटनास्थलमै मृत्यु

बुधबार, भदौ २७, २०८० बागेश्वरी पोस्ट

नयाँ दिल्ली । भारतमा ट्रकले यात्रुबहाक बसलाई ठक्कर दिंदा ११ जनाको घटनास्थलमै मृत्यु भएको छ।

भारतको पश्चिममा रहेको राजस्थानमा गुजरातको भावनगरबाट मथुरा जाँदै गरेको बसलाई ट्रकले ठक्कर दिंदा ११ जनाको मृत्यु भएको छ । दुर्घटनामा १२ जना घाइते भएको अन्तर्राष्ट्रिय समाचार संस्थाले जनाएका छन् ।

जयपुर-आगरा रोड अन्तर्गत राजस्थानको भरतपुरको अन्तरा पुलमा आज बिहान साढे ४ बजे ट्रकले डिजेल सकिएर रोकिराखेको बसलाई पछाडिबाट ठक्कर दिंदा ११ जनाको घटनास्थलमै मृत्यु भएको बताइएको छ । प्रहरीका अनुसार ट्रकले बस बाहिर उभिरहेका यात्रुलाई ठक्कर दिएको थियो ।

राजस्थान प्रहरीका अनुसार मृतकहरुमा ६ जना महिला र ५ पुरुष हुन् । प्रहरीले बताए अनुसार १२ जना घाइतेहरुको भरतपुरकै सरकारी अस्पतालमा उपचार भइरहेको छ ।

प्रहरीले ठक्कर दिने ट्रक र चालकलाई नियन्त्रणमा लिएर अनुसन्धान गरिरहेको जनाएको छ ।

प्रकाशित मिति: बुधबार, भदौ २७, २०८०, ११:०६:००

प्रतिक्रिया दिनुहोस्