'आदिपुरुष' फिल्मबाट हटाइयो सीता भारतमा जन्मेको गलत वाक्य

मनोरञ्जन

गृहपृष्ठ
मनोरञ्जन
'आदिपुरुष' फिल्मबाट हटाइयो सीता भारतमा जन्मेको गलत वाक्य

'आदिपुरुष' फिल्मबाट हटाइयो सीता भारतमा जन्मेको गलत वाक्य

शुक्रबार, असार १, २०८० बागेश्वरी पोस्ट

नेपालगन्ज । दक्षिण भारतीय चलचित्र ‘आदिपुरुष’ मा समावेश गरिएको संवाद ‘जानकी भारतीय छोरी हुन्’ भन्ने वाक्य हटाइएको छ ।

सीता नेपालमा जन्मिएको हुँदाहुँदै अहिले आएर चलचित्रमा भारतमा जन्मेको भन्ने देखाइएपछि चौतर्फी आलोचना भएको थियो ।

काठमाडौँ महानगरपालिकाका मेयर वालेन्द्र साह (बालेन) ले यो गलत सन्देश नहटाइए काठमाडौँमा कुनै पनि हिन्दी चलचित्र चल्न नदिने निर्णय गरेपछि उक्त प्रसङ्ग निर्माताले हटाएको भारतीय पत्रिका टाइम्स अफ इन्डियाको अनलाइन संस्करणले लेखेको छ ।

त्यस्तै जुमटीभीइन्टरटेनमेन्टले पनि सोही समाचार लेखेको छ । त्यस्तै इन्डियाटीभी न्यूजले पनि यो समाचार प्राथमिकताका साथ राखेको छ।

बालेनको चेतावनीपछि उक्त संवाद हटाइएको जनाइएको छ । बालेनले तीन दिनको समय दिएर सच्याउन चेतावनी दिएका थिए ।

आदिपुरुषमा जानकी भारतकी छोरी हुन् भनेपछि काठमाडौँभित्र हिन्दी फिल्म चल्न नदिने बालेनको निर्णय निर्माताले सीता भारतमा जन्मेको भन्ने गलत सन्देश हटाएको जनाए पनि सीता नेपालमा जन्मेको भन्ने सन्देश राखेको बारेमा केही उल्लेख गरेका छैनन् ।

प्रकाशित मिति: शुक्रबार, असार १, २०८०, ११:४०:००

प्रतिक्रिया दिनुहोस्