नेपालगन्जमा सुरु भयो हात्तीपाइले रोगविरुद्ध औषधी सेवन कार्यक्रम

स्वास्थ्य

गृहपृष्ठ
स्वास्थ्य
नेपालगन्जमा सुरु भयो हात्तीपाइले रोगविरुद्ध औषधी सेवन कार्यक्रम

नेपालगन्जमा सुरु भयो हात्तीपाइले रोगविरुद्ध औषधी सेवन कार्यक्रम

शुक्रबार, चैत २०, २०७७ बागेश्वरी पोस्ट

नेपालगन्ज। नेपालगन्ज उपमहानगरपालिकामा हात्तीपाइले रोगविरुद्धको औषधी सेवन कार्यक्रम सुरु भएको छ।

आज नेपालगन्जका बिभिन्न वडाहरुमा कर्मचारी,सर्बसाधारणहरुले हात्तीपाइले रोग विरुद्धको औषधी सेवन गरिरहेका छन्। नेपालगन्जमा जनप्रतिनिधीसहित नेपालगन्ज उपमहानगरपालिकाका सबै कर्मचारीहरुले औषधी सेवन गरेका छन्।

त्यस्तै नेपालगन्ज उपमहानगरपालिका प्रमुख प्रशासकीय अधिकृत ओम बहादुर खड्कासहित जनस्वास्थ्य निरीक्षक जागेश्वर बस्नेतले वडा नम्बर ८ मा औषधी सेवन गरेका छन्।
सेवाग्राही लगायत अन्य सबैलाई सजिलो होस् भन्दै नेपालगन्ज महानगरपालिकाको मुख्य गेटमा औषधी खुवाइदै छ। नेपालगन्ज उपमहानगरपालिकाले १ लाख ६६ हजारलाई हात्तीपाइले रोग विरुद्धको औषधि खुवाउने छ ।

त्यसका लागि १ सय ११ जना स्वास्थ्यकर्मी परिचालन गरिएको छ । आजबाट सुरु भएको औषधी सेवन कार्यकर्म चैत मसान्तसम्म हुनेछ।

प्रकाशित मिति: शुक्रबार, चैत २०, २०७७ १२:२४

प्रतिक्रिया दिनुहोस्