गाउँ-गाउँमा संगठन बनाउन लाग्नुस्ःकांग्रेस सभापति गौडेल

राजनीति

गृहपृष्ठ
राजनीति
गाउँ-गाउँमा संगठन बनाउन लाग्नुस्ःकांग्रेस सभापति गौडेल

गाउँ-गाउँमा संगठन बनाउन लाग्नुस्ःकांग्रेस सभापति गौडेल

बुधबार, जेठ २४, २०८० बागेश्वरी पोस्ट

राप्तीसोनारी (बाँके) । नेपाली कांग्रेसका सभापति नारायणप्रसाद गौडेलले पार्टीलाई गतिशील बनाउन स्थानीय नेता कार्यकताहरुको क्रियाशिलतामा जोड दिएका छन् ।

नेपाली कांग्रेस राप्तीसोनारी वडा नम्बर २ कार्यसमितिद्वारा आज मदुवामा आयोजित कार्यकर्ता भेटघाट तथा अन्तरक्रिया कार्यक्रमलाई सम्बोधन गर्दै गौडेलले गाउँ-गाउँमा पार्टी संगठनलाई अझ बलियो, व्यवस्थित र चुस्तदुरुस्त बनाउनतर्फ केन्द्रित हुन नेता कार्यकर्तालाई आग्रह गरे । क्षेत्रीय सभापति पोषण केसीले स्थानीयस्तरमा सर्वसाधारणले भोगिरहेको समस्यामा नेपाली कांग्रेस संगसंगै रहेको बताउँदै समस्या समाधानका लागि पहल गर्न कांग्रेस प्रतिबद्ध रहेको बताए ।

वडा सभापति नन्दलाल बस्नेतको सभापतित्वमा भएको कार्यक्रममा स्थानीय नेता कार्यकर्ताका राय, सल्लाह, सुझाब संकलन गरिएको थियो । कार्यक्रममा प्रदेशसभा क्षेत्र १(क) का कार्यवहाक सभापति डम्मरबहादुर बुढाथोकी, क्षेत्रीय प्रबक्ता तुलाराम खत्री, राप्तीसोनारी सभापति भिमबहादुर राना क्षेत्री, राप्तीसोनारी गाउँपालिकाकी उपाध्यक्ष मनिषासिंह थारु लगायतले बोलेका थिए । कार्यक्रमको सञ्चालन वडा सचिव खडकबहादुर खत्रीले गरेका थिए ।

प्रकाशित मिति: बुधबार, जेठ २४, २०८० २०:३०

प्रतिक्रिया दिनुहोस्