सुवास नेम्वाङलाई राष्ट्रिय सम्मान दिने सरकारको निर्णय, सार्वजनिक बिदा दिइने

राजनीति

गृहपृष्ठ
राजनीति
सुवास नेम्वाङलाई राष्ट्रिय सम्मान दिने सरकारको निर्णय, सार्वजनिक बिदा दिइने

सुवास नेम्वाङलाई राष्ट्रिय सम्मान दिने सरकारको निर्णय, सार्वजनिक बिदा दिइने

मंगलबार, भदौ २६, २०८० बागेश्वरी पोस्ट

नेपालगञ्ज । संविधानसभा अध्यक्ष सुवास नेम्वाङको राष्ट्रिय सम्मानका साथ अन्त्येष्टि गरिने भएको छ । सरकारले नेकपा एमालेका उपाध्यक्ष समेत रहेका संविधानसभा अध्यक्ष नेम्वाङको निधनमा राजकीय सम्मान दिने निर्णय गरेको हो।

आज बसेको मन्त्रिपरिषदको आकस्मिक बैठकले गएराति निधन भएका नेम्वाङको निधनमा राजकीय सम्मान दिने निर्णय गरेको हो । यस्तै सरकारले नेम्वाङको अन्त्येष्टिको दिन राष्ट्रिय बिदा दिने निर्णय समेत गरेको छ ।

बैठकले संविधानसभा अध्यक्षको निधनप्रति दुःख व्यक्त गर्दै शोकसन्तप्त परिवारजनप्रति सरकारले समवेदना प्रकट गरेको छ ।

संविधान निर्माण प्रक्रियामा उनले गरेको योगदानप्रति सम्मान प्रकट गर्दै सरकारले राष्ट्रिय सम्मान दिने निर्णय गरेको संस्कृति पर्यटन तथा नागरिक उड्डयनमन्त्री सुदन किराँतीले जानकारी दिए । मन्त्री किरातीका अनुसार सरकारले उनको अन्त्येष्टिका दिन सार्वजनिक बिदा दिने निर्णय गरेको छ । उनका छोराहरू विदेशमा रहेकाले आएपछि मात्र अन्त्येष्टि गरिने भएको छ ।

प्रकाशित मिति: मंगलबार, भदौ २६, २०८०, ११:११:००

प्रतिक्रिया दिनुहोस्