ओलीले सत्तामा पुग्न मात्रै पार्टी एकतालाई सिढी बनाए:नेता नेपाल

राजनीति

Home
राजनीति
ओलीले सत्तामा पुग्न मात्रै पार्टी एकतालाई सिढी बनाए:नेता नेपाल

ओलीले सत्तामा पुग्न मात्रै पार्टी एकतालाई सिढी बनाए:नेता नेपाल

आइतवार, माघ ४, २०७७ बागेश्वरी पोस्ट

नेपालगन्ज । नेकपा(प्रचण्ड-माधव पक्ष) का अध्यक्ष माधवकुमार नेपालले प्रधानमन्त्री ओलीले आफूलाई सत्तामा पुग्नका लागि पार्टी एकतालाई सिढीको रुपमा मात्रै प्रयोग गरेको टिप्पणी गर्नुभएको छ ।

नेपालगन्जमा आज आयोजित कर्याकर्ता भेला तथा प्रशिक्षण कार्यक्रममा नेपालले प्रधानमन्त्री ओली अहिलेसम्म कम्युनिष्ट पार्टी एकताको अभियानमा सहभागी नभएको दावी गर्दै ओली तानाशाही बन्न खोजेको बताउनुभयो । उहाँले विगतमा आफू र झलनाथ खनाल प्रधानमन्त्री हुँदा सामान्य समस्या आउँदा राजीनामा दिएको स्मरण गर्दै अहिले ओलीले पार्टीमा बहुमत गुमाएको अवस्थामा राजिनामा दिनु नै उत्तम हुने दावी गर्नुभयो ।

उहाँले पार्टी उपाध्यक्ष वामदेव गौतमले एकता अभियानको नाममा भ्रम फिजाएको दावी समेत गर्नुभयो । अध्यक्ष नेपालले आफू नजिकका ब्यक्तिलाई ओलीतिर लगाएर गौतमले एकताको भ्रम छर्न खोजेको दावी गर्नुभयो ।

कार्यक्रममा प्रवक्त्ता नारायणकाजी श्रेष्ठले प्रधानमन्त्रीले गरेको प्रतिनिधिसभा विघटनलाई प्रतिगमनको संज्ञा दिनुभयो । भेलामा नेकपा स्थायी कमिटिका सदस्य युवराज ज्ञवाली, बर्षमान पुन, ओनसरी घर्ती लगायतले सम्बोधन गर्नुभएको थियो ।

प्रकाशित मिति: आइतवार, माघ ४, २०७७, ०७:१८:००

प्रतिक्रिया दिनुहोस्