जनताको मन जिते मात्र राजनीतिक दलहरुको भविष्य सुनिश्चित हुन्छः परियार

राजनीति

गृहपृष्ठ
राजनीति
जनताको मन जिते मात्र राजनीतिक दलहरुको भविष्य सुनिश्चित हुन्छः परियार

जनताको मन जिते मात्र राजनीतिक दलहरुको भविष्य सुनिश्चित हुन्छः परियार

सोमबार, जेठ ३०, २०७९ बागेश्वरी पोस्ट

नेपालगञ्ज । नेपाली कांग्रेसकी केन्द्रीय सदस्य शान्ति परियारले जनताको मन जिते मात्र राजनीतिक दलहरुको भविष्य सुनिश्चित हुने बताएकी छिन् । नेपाली कांग्रेस बाँकेले आज पार्टी कार्यालय नेपालगञ्जमा आयोजना गरेको कार्यकर्ता भेटघाट कार्यक्रमलाई सम्बोधन गर्दै केन्द्रीय सदस्य परियारले जनताको भावना अनुसार अघि बढ्न नसके चुनावमा जनताले सवक सिकाइदिने बताइन् ।

No description available.

उनले जनताको सुखदुःखमा संगसंगै हिंडन नेता कार्यकर्तालाई आग्रह गरिन् । परियारले कांग्रेसबाट उम्मेदवार भई निर्वाचित भएका जनप्रतिनिधिहरुलाई पार्टीसंग समन्वय गर्दै अघि बढ्न आग्रह समेत गरिन् । स्थानीय चुनावमा कांग्रेसले बाँकेमा हासिल गरेको सफलताको उच्च प्रशंसा गर्दै उनले अब हुने प्रदेश र प्रतिनिधिसभा चुनावमा पनि कांग्रेसलाई यसरी नै जिताउने गरी लाग्न आह्वान गरिन् । उनले एक आपसको मनमुटाव र तिक्ततालाई त्यागेर कांग्रेस बनाउनतर्फ लाग्न आग्रह गरिन् ।

No description available.

नेपाली कांग्रेस बाँकेका कार्यवहाक सभापति गोपालप्रसाद अधिकारीको सभापतित्वमा सम्पन्न कार्यक्रममा पूर्व सभापति कृष्णमान श्रेष्ठ, पूर्व उपसभापति फूलाराम थारु, पूर्व सचिव कपिलदेव शर्मा, महासमिति सदस्य माया पुन, क्षेत्र नम्बर ३ का क्षेत्रीय सचिव सुनिलसिंह हमाल लगायले बोलेका थिए । उपसभापति कृष्ण बहादुर कार्कीले स्वागत मन्तव्य व्यक्त गरेको कार्यक्रमको सञ्चालन सचिव सुधांशु कोइरालाले गरेका थिए ।

प्रकाशित मिति: सोमबार, जेठ ३०, २०७९, १६:००:००

प्रतिक्रिया दिनुहोस्