पेट्रोलियम पदार्थ खुलारुपमा बिक्रीवितरण नगर्न प्रहरीको आग्रह, बिक्री गरे कारबाही

सुरक्षा-अपराध

गृहपृष्ठ
सुरक्षा-अपराध
पेट्रोलियम पदार्थ खुलारुपमा बिक्रीवितरण नगर्न प्रहरीको आग्रह, बिक्री गरे कारबाही

पेट्रोलियम पदार्थ खुलारुपमा बिक्रीवितरण नगर्न प्रहरीको आग्रह, बिक्री गरे कारबाही

बुधबार, माघ ११, २०७९ बागेश्वरी पोस्ट

नेपालगन्ज । अति प्रज्ज्वलनशील पेट्रोलियम पदार्थलाई खुलारूपमा बिक्रीवितरण नगर्न नेपाल प्रहरीले अनुरोध गरेको छ ।

केही पेट्रोल पम्पले बोतल र जर्किन लगायत भाँडामा पेट्रोलियम पदार्थ भरेर बिक्री गर्ने गरिएको पाइएकोले रोक लगाइएको प्रहरीले जनाएको छ । पेट्रोलियम पदार्थको खुलारूपमा बिक्री गर्दा, असुरक्षित ओसारपसार गर्दा र घर, पसलमा भण्डारण गर्दा आगलागी हुने र मानवीय क्षति एवं भौतिक क्षति समेत हुने भएकाले बिक्री वितरण नगर्न पेट्रोल पम्प सञ्चालकलाई प्रहरीले आग्रह गरेको छ ।

पेट्रोल पम्पबाट सिधै सवारी साधनमा भर्नेबाहेक खुलारूपमा पेट्रोलियम पदार्थको बिक्री वितरण नगर्न, नगराउन सञ्चालकलाई सूचित गरिएको प्रहरीले जनाएको छ । हिजो दिउँसो एक युवाले काठमाडौँको नयाँ बानेश्वरस्थित संसद् भवन अगाडि शरीरमा पेट्रोल खन्याएर आत्मदाह गर्ने प्रयास गरेपछि प्रहरीले उक्त सूचना सार्वजनिक गरेको हो ।

सुरक्षा संवेदनशीलताको सूचनाविपरीत पेट्रोलियम पदार्थको बिक्री वितरण गरिएको पाइएमा प्रचलित कानुनबमोजिम हैदसम्मको कानुनी कारबाही गरिने प्रहरीले जनाएको छ ।

प्रकाशित मिति: बुधबार, माघ ११, २०७९ १०:०९

प्रतिक्रिया दिनुहोस्