महासचिव पदमा पुनः मतगणनाको माग गर्दै तालाबन्दी

अर्थ

गृहपृष्ठ
अर्थ
महासचिव पदमा पुनः मतगणनाको माग गर्दै तालाबन्दी

महासचिव पदमा पुनः मतगणनाको माग गर्दै तालाबन्दी

सोमबार, भदौ ४, २०८० बागेश्वरी पोस्ट

नेपालगन्ज । नेपालगन्ज उद्योग बाणिज्य संघको निर्वाचनमा महासचिव पदमा पुन: मतगणनाको माग गर्दै तालाबन्दी गरिएको छ । साझा प्रजातान्त्रिक उद्योगी व्यवसायी संघले पुन: मतगणनाको माग गर्दै निर्वाचन अधिकृतको कार्यालयमा तालाबन्दी गरेको हो ।

महासचिव पदको सम्पूर्ण मतगणना नगरी जबर्जस्ती ढंगले निर्वाचन अधिकृत टीकाजंग शाहले अन्तिम मतपरिणाम घोषणा गरेकाले पुनः मतगणनाको माग गर्दै निर्वाचन अधिकृतको कार्यालयमा तालाबन्दी गरिएको साझा प्रजातान्त्रिक उद्योगी व्यवसायी संघ बाँकेका अध्यक्ष संजयकुमार थापाले बताए । केही मतपत्र गन्न बाँकी छँदै समावेशी प्यानलका भिमबहादुर रानाभाटलाई विजयी भएको घोषणा गरिएको भन्दै पुनः मतगणनाको माग गरिएको हो । पुन: मतगणना नहुँदासम्म तालाबन्दी जारी रहने थापाले बताए । साझा प्रजातान्त्रिक समूहबाट महासचिवमा टंकप्रसाद शर्माले प्रतिष्पर्धा गरेका थिए । निर्वाचन समितिले रानाभाटलाई ६ मतले विजयी भएको घोषणा गरेको थियो ।

प्रकाशित मिति: सोमबार, भदौ ४, २०८०, ११:५८:००

प्रतिक्रिया दिनुहोस्