नेपालगन्जमा अनलाइन बिजिनेस फेस्टिबल शुरु

अर्थ

गृहपृष्ठ
अर्थ
नेपालगन्जमा अनलाइन बिजिनेस फेस्टिबल शुरु

नेपालगन्जमा अनलाइन बिजिनेस फेस्टिबल शुरु

बिहीबार, माघ २९, २०७७ बागेश्वरी पोस्ट

नेपालगन्ज । नेपालगन्जमा आजदेखि अनलाइन बिजिनेस फेस्टिबल शुरु भएको छ । मिठो छ फुड प्रालिको आयोजनामा फेस्टिबलको आयोजना गरिएको हो ।

फाल्गुण १ गतेसम्म नेपालगन्जस्थित बाटिका होटल परिसरमा फेष्टिबल संचालन हुने आयोजक संस्थाका प्रमुख सौभाग्यजंग शाहले जानकारी दिनुभयो । प्रमुख शाहले अनलाइन तथा इन्टरनेटमार्फत् स्थानीय स्तरमा उत्पादन गरिएका सामानहरुको अन्तरराष्ट्रिय स्तरमा बजारीकरण गर्ने उद्देश्यले फेस्टिबलको आयोजना गरिएको बताउनुभयो । प्रमुख शाहले यो फेस्टिबल नेपालगन्जमा रहेका सम्पूर्ण अनलाइन बिजिनेशहरुको प्लेटफर्म भएको समेत बताउनुभयो ।

फेस्टिबलको पहिलो दिन करिब १५ सय जनाले अवलोकन गरेको आयोजकले जनाएको छ । फेस्टिबलको मुख्य आकर्षणमा अनलाइन बिजिनेश सम्बन्धि जानकारीहरु, बिभिन्न खानाका परिकार पाइने स्टलहरु, सांगितीक प्रस्तुतिहरु, शैक्षिक जानकारीमूलक सामग्री, स्टेण्डप कमेडीहरु लगायत रहेका छन् ।

फेस्टिबलमा स्टलहरु राखेका स्थानीय उद्योगी ब्यवसायीहरु यस्तो प्रकारको फेस्टिबलको आयोजनाले स्थानीय बजारमा उत्पादित बस्तुहरुले सहज र सरल रुपमा बजार पाउने बताउँछन् । कोभिड–१९ महामारीका कारण संसारका हरेक क्षेत्र पछाडि परिरहेको अवस्थामा यस्ता किसिमका फेस्टिबलको आयोजनाले केही मात्रामा भएपनि सबैलाई राहत पु¥याउने आयोजकले बिश्वास लिएको छ ।

प्रकाशित मिति: बिहीबार, माघ २९, २०७७ २१:२९