नेपालगञ्जबाट पहिलोपटक पोखरा उड्यो चार्टर विमान

अर्थ

Home
अर्थ
नेपालगञ्जबाट पहिलोपटक पोखरा उड्यो चार्टर विमान

नेपालगञ्जबाट पहिलोपटक पोखरा उड्यो चार्टर विमान

शुक्रवार, फाल्गुन ७, २०७७ बागेश्वरी पोस्ट

नेपालगन्ज । नेपालगन्ज–पोखरा हवाई सेवा आजदेखि सुरु भएको छ । आज दिउँसो पहिलोपटक सिता एयरको नाइन एन–एएचआर चार्टर विमान नेपालगन्जबाट पोखरा उडेको हो । नाटा बाँके च्याप्टर र गण्डकी प्रदेश नाटाको पहलमा नेपालगन्ज–पोखरा र पोखरा–नेपालगन्ज उडान सुरु भएको हो । कोरोनाका कारण मारमा परेको पर्यटन क्षेत्रको प्रवद्र्धनका लागि चार्टर उडान सुरु गरिएको नाट्टा बाँकेका अध्यक्ष श्रीराम सिग्देलले बताउनुभयो ।

आजदेखि सुरु भएको उडानमा नेपालगन्ज उपमहानगरपालिकाका मेयर डा. धवल शम्शेर राणाको नेतृत्वमा १८ जना पर्यटन व्यवसायी लगायतको टोली पोखरा प्रस्थान गरेको छ । लामो समयको प्रयासपछि नेपालगन्ज-पोखरा उडान भएको सिग्देलले बताउनुभयो । विगत लामो समयदेखि निजी क्षेत्रबाट सरकारकै पहलमा नेपालगन्ज–पोखरा नियमित उडानको प्रयास भएपनि सफल हुन सकेको थिएन । सरकारी स्तरबाट उडानमा चासो नराखिएको भन्दै व्यवसायी आफैंले नेपालगन्ज–पोखरा उडानको पहल गरेका हुन् ।

नेपालगन्ज-पोखरा उडान सुरु भएसँगै अब काठमाडौं गएर पोखरा जानुपर्ने बाध्यता टरेको छ ।