मुगुको गमगढी बजारमा भीषण आगलागी,१ अर्ब बढीको क्षति

अर्थ

गृहपृष्ठ
अर्थ
मुगुको गमगढी बजारमा भीषण आगलागी,१ अर्ब बढीको क्षति

मुगुको गमगढी बजारमा भीषण आगलागी,१ अर्ब बढीको क्षति

मंगलबार, कात्तिक ३०, २०७८ बागेश्वरी पोस्ट

नेपालगन्ज । मुगुको सदरमुकाम गमगढीमा भीषण आगलागी भएको छ । सोमबार राती साढे ११ बजेदेखि छायाँनाथ रारा नगरपालिका वडा नम्बर १ गमगढीको तल्लो बजारमा भीषण आगलागी भएर २१ घर र ३ वटा घुम्ती पसल पूर्ण रुपमा नष्ट भएका छन् ।

स्थानीय खिम्मे लामाको घरमा बालिएको दियोबाट आगलागी सुरु भएर काठैकाठले बनेका एकअर्कासँग जोडिएका अन्य २१ घर तथा पसलहरुमा आगो सल्किँदा करिब १ अर्ब रुपैयाँ बराबरको धनमाल जलेर नष्ट भएको सशस्त्र प्रहरी मुगुका प्रमुख सशस्त्र प्रहरी नायब उपरीक्षक खुम बहादुर केसीले जानकारी दिएका छन् ।

सशस्त्र प्रहरी नायब उपरीक्षक केसीका अनुसार सशस्त्र प्रहरी, नेपाल प्रहरी र स्थानीयहरुको सहयोगमा आज बिहान साढे ४ बजे मात्र आगो नियन्त्रणमा आएको हो ।

आगो नियन्त्रणमा लिन कठिनाई भएपछि जोखिम कम गर्ने क्रममा स्थानीय गोरख मल्लको एउटा कच्ची घर भत्काइएको छ । आगलागीबाट कुनै मानवीय क्षति नभएको केसीले बताए ।

आगलागी निभाउने क्रममा दमकल नहुँदा सुरक्षाकर्मीहरुले ३ सय मिटर तल झरेर मुगु कर्णालीबाट पानी ओसार्दै आगो निभाएको सशस्त्र प्रहरी उपरीक्षक केसीले बताए ।