उपनिर्वाचनबारे बिहीबार कांग्रेस केन्द्रीय समिति बस्दै

उपनिर्वाचन -२०७६

गृहपृष्ठ
उपनिर्वाचन -२०७६
उपनिर्वाचनबारे बिहीबार कांग्रेस केन्द्रीय समिति बस्दै

उपनिर्वाचनबारे बिहीबार कांग्रेस केन्द्रीय समिति बस्दै

सोमबार, कात्तिक ४, २०७६ बागेश्वरी पोस्ट

काठमाडौं । प्रमुख प्रतिपक्षी दल कांग्रेसले उपनिर्वाचनका लागि तयारी गर्ने भएको छ । निर्वाचन तयारीका लागि आगामी बिहीबार केन्द्रीय समितिको बैठक बोलाएको छ । बैठकले कास्की २ संघीय निर्वाचन क्षेत्र, बाग्लुङ, भक्तपुर र दाङमा हुने प्रदेश सभा निर्वाचन लागि तयारी अघि बढाउने जानकारी प्रवक्ता शर्माले दिए ।

‘अब हामी मंसिर १४ मा हुने उपनिर्वाचनको तयारीमा जुट्छौँ । यसैका लागि आगामी बिहीबार केन्द्रीय समितिको बैठक बोलाइएको छ,’ शर्माले भने, ‘बैठकले उपनिर्वाचनको परिचालन, नारा, मुद्दा र उम्मेदवारको विषयमा तयारी थाल्छ ।’ पहिलो दिनको बैठकले नै संघीय र प्रदेश तह गरी चार सिटका लागि उम्मेदवारको विषयमा छलफल गर्ने जानकारी उनले दिए ।

शर्माका अनुसार संघ र प्रदेशका गरी चारजना उम्मेदवार मात्र पार्टी केन्द्रले छान्नेछ । यसबाहेक स्थानीय तहका उम्मेवदारको टुंगो जिल्ला तहबाटै टुंगिने जानकारी शर्माले दिए । यद्यपि, संघदेखि वडासम्मकै उम्मेदवारको अन्तिम टुंगो सभापति शेरबहादुर देउवाले हस्ताक्षर गरिसकेपछि लाग्नेछ । निर्वाचन हुने जिल्लाबाट केन्द्रमा सिफारिस आउन थालेको छ ।

प्रकाशित मिति: सोमबार, कात्तिक ४, २०७६ १०:११