सुविधायुक्त गाउँ बनाउने किशोर राठौरको प्रतिबद्धता

आम निर्वाचन-२०७९

गृहपृष्ठ
आम निर्वाचन-२०७९
सुविधायुक्त गाउँ बनाउने किशोर राठौरको प्रतिबद्धता

सुविधायुक्त गाउँ बनाउने किशोर राठौरको प्रतिबद्धता

आइतबार, कात्तिक ६, २०७९ बागेश्वरी पोस्ट

नेपालगन्ज । गठबन्धनका अगुवा कार्यकर्ता भेटघाट कार्यक्रम आज जानकी-२ बेलभारमा सम्पन्न भएको छ । वाम लोकतान्त्रिक गठबन्धनका तर्फबाट बाँके क्षेत्र नं. ३ का प्रतिनिधिसभा सदस्य उम्मेदवार किशोरसिंह राठौरले सुविधायुक्त गाउँ बनाउने प्रतिबद्धता जनाएका छन् ।

राठौरले संविधानले सबैको सुरक्षा गरेकाले यतिबेला त्यही संविधानलाई जोगाउनुपर्ने अभिभारा आइपरेकाले गठबन्धन गर्नुपरेको बताए । कांग्रेसका सह-महामन्त्री राठौरले यहाँको विकास, कृषकका समस्या, युवाहरुलाई रोजगारीको अवसरका लागि लोकतान्त्रिक शक्तिले सरकार बनाउन आवश्यक रहेको स्पष्ट पारेका थिए । शिक्षाको स्तरमा सुधार गर्न आवश्यक रहेको उनले बताए । जनता शिक्षित हुन नसके विकास ब्यवस्थित हुन नसक्ने उनको भनाई छ ।

प्रदेश सभा ३(२) का उम्मेदवार बादशाह कुर्मीले नागरिकता विधेयकलाई रोक्न एमालेले राष्ट्रपति पदको दूरुयोग गरेर मधेसका जनताको अधिकार खोसेकाले नागरिकता बनाउन मधेसका जनतालाई अप्ठ्यारोमा फसाएको बताएका थिए ।

नेपाली कांग्रेस महासमिति सदस्य लक्ष्मीनारायण शाहले कार्यक्रमलाई सम्बोधन गर्दै ५ बर्ष पहिला गरेको भूल र गल्ती नदोहोर्याउन आग्रह गरेका थिए । शाहले संविधानको रक्षासँगै स्थायित्व र विकासका लागि गठबन्धनका पक्षमा मतदान गर्न अपील गरेका थिए ।

संविधानसभा सदस्य आशा विक, कांग्रेस क्षेत्रीय सभापति मो.नक्की खाँ, माओवादी अगुवा रक्षाराम बर्मा, गाउँपालिका अध्यक्ष छब्बन खाँ, उपाध्यक्ष रामप्यारी यादव लगायतले सम्बोधन गरेका थिए ।

कार्यक्रमको सभापतित्व नक्षद मोराउले गरेका थिए भने सञ्चालन राजन बर्माले गरेका थिए ।

प्रकाशित मिति: आइतबार, कात्तिक ६, २०७९ १४:३०

प्रतिक्रिया दिनुहोस्