तिहारमा पनि उम्मेदवार घरदैलोमै

आम निर्वाचन-२०७९

गृहपृष्ठ
आम निर्वाचन-२०७९
तिहारमा पनि उम्मेदवार घरदैलोमै

तिहारमा पनि उम्मेदवार घरदैलोमै

मंगलबार, कात्तिक ८, २०७९ बागेश्वरी पोस्ट

नेपालगञ्ज । बाँके क्षेत्र नम्बर ३ मा नेकपा एमालेका तर्फबाट प्रतिनिधिसभा सदस्य उम्मेदवार बनेका किस्मतकुमार कक्षपति, प्रदेशसभा ३(१) का उम्मेदवार रत्न खत्री र प्रदेशसभा ३(२) का उम्मेदवार भीम ओली तिहारको वीच पनि घरदैलो अभियान र जनता भेटघाटमै छन् ।

क्षेत्र नम्बर ३ अन्तरगत खजुरा गाउँपालिका वडा नम्बर ६ र ७ का विभिन्न बस्तीहरुमा प्रतिनिधिसभा उम्मेदवार कक्षपति र प्रदेशसभाका उम्मेदवार खत्रीले संयुक्त घरदैलो संचालन गरेका छन् । जनतासंग भोट माग्न पुगेका दुबै उम्मेदवारलाई जनताले उत्साहजनक ढंगले स्वागत गर्दै आफ्नै ठाउँका र केही गर्न सक्ने सम्भावना बोकेका उम्मेदवार भन्दै हौसला प्रदान गरेका छन् ।

स्थानीयका माग र गुनासोलाई सुन्दै जनतासंग भेटघाट गर्दै जाँदा थप उर्जा प्रदान भएको उम्मेदवारहरुले प्रतिक्रिया दिएका छन् । प्रदेशसभा ३(२) का उम्मेदवार ओली पनि तिहारका अवसरमा स्थानीय स्तरमा आयोजित कार्यक्रममा छन् ।

प्रकाशित मिति: मंगलबार, कात्तिक ८, २०७९ १६:५३