जसपाले भोलीदेखि एकसाथ क्षेत्र नं २ का २७ वटै वडामा घरदैलो गर्दै

आम निर्वाचन-२०७९

गृहपृष्ठ
आम निर्वाचन-२०७९
जसपाले भोलीदेखि एकसाथ क्षेत्र नं २ का २७ वटै वडामा घरदैलो गर्दै

जसपाले भोलीदेखि एकसाथ क्षेत्र नं २ का २७ वटै वडामा घरदैलो गर्दै

शुक्रबार, कात्तिक ११, २०७९ बागेश्वरी पोस्ट

नेपालगञ्ज । दीपावली सकिएसँगै जनता समाजवादी पार्टीले बाँके क्षेत्र नं २ मा आफ्नो निर्वाचन अभियान तीव्र बनाउँदैछ । क्षेत्र नं २ मा पर्ने २७ वटै वडामा भोली एकसाथ जसपाले घरदैलो सुरु गर्दैछ ।

घरदैलोका लागि जसपाले २७ वटै वडामा प्रतिनिधि खटाइसकेको छ । ५ दिन फिल्डमा तयारी गरेर प्रतिनिधिहरू आफूले जिम्मेवारी पाएको वडामा खट्न लागेको जनता समाजवादी पार्टी बाँकेका अध्यक्ष कमरुद्दिन राईले जानकारी दिएका छन् ।
जसपाबाट क्षेत्र नं २ को उम्मेदवार रहेका मोहम्मद इश्तियाक राई नेपालगन्ज वडा नं २१ मा हुने घरदैलो कार्यक्रममा सहभागी हुँदैछन् । प्रदेश सभा (१) का भण्डारीलाल यादव डुडुवाको वडा नं २ र प्रदेश सभा (२) का उम्मेदवार आदेश कुमार अग्रवालले नेपालगन्ज वडा नं ११ को नेतृत्व गर्ने भएका छन् ।

त्यस्तै वडा नं १ मा बुद्धिसागर सुवेदी, वडा नं २ मा अरूण सिंह, वडा नं ९ मा राजन रानामगर, वडा नं १८ मा चिन्छु बर्मा, डुडुवाको वडा नं ४ मा अतहर हुसेन फारुकी लगायतका नेताले घरदैलोको नेतृत्व गर्दैछन् । जसपा बाँकेका अध्यक्ष राईका अनुसार सबै वडामा विहान १० बजेदेखि घरदैलो सुरु हुनेछ । यो घरदैलो कार्यक्रमलाई अभियानकै रूपमा लैजाने जसपाको तयारी छ । भोलीदेखि हुने घरदैलो यही १८ गतेसम्म गर्ने जसपाको कार्यतालिका तय भएको छ ।

क्षेत्र नं २ बाट जसपाका उम्मेदवार इश्तियाक राईले आफूहरूले गरेका कामहरू जनतामाझ संगठित रूपमा प्रष्ट पार्न घरदैलोलाई अभियानक रूपमा लैजाने बताए । ‘यो घरदैलो जनतामाझ फैलाइएका भ्रम चिर्ने र आफ्ना कार्यक्रमहरू राख्ने अभियान हो । प्रारम्भिकरूपमा साताव्यापी कार्यक्रम बनाइएको हो, हामी यो भन्दा अघि पनि जनतामाझ नै थियौं र आउँदा दिनमा पनि जनताको घरदैलोमै हुन्छौं’, राईले भने ।

प्रकाशित मिति: शुक्रबार, कात्तिक ११, २०७९ १३:०५