बाँके २ को प्रदेशसभा क्षेत्रमा सत्ता गठबन्धनको मित्रवत प्रतिष्पर्धा

आम निर्वाचन-२०७९

गृहपृष्ठ
आम निर्वाचन-२०७९
बाँके २ को प्रदेशसभा क्षेत्रमा सत्ता गठबन्धनको मित्रवत प्रतिष्पर्धा

बाँके २ को प्रदेशसभा क्षेत्रमा सत्ता गठबन्धनको मित्रवत प्रतिष्पर्धा

३(१) मा आइपी खरेल नै आधिकारिक

शुक्रबार, कात्तिक ११, २०७९ बागेश्वरी पोस्ट

नेपालगन्ज । सत्ता गठबन्धनले सहमति नजुटेका केही क्षेत्रहरुमा मित्रवत प्रतिष्पर्धा गर्ने भएको छ । सत्ता गठबन्धनले आगामी मंसिर ४ गते हुने प्रदेश तथा प्रतिनिधिसभा तर्फका साझा उम्मेदवारको विवरण सार्वजनिक गर्दै केही निर्वाचन क्षेत्रमा मित्रवत प्रतिस्पर्धा गर्ने गठबन्धनमा सहमति भएको जनाएको छ । यस्तै केही निर्वाचन क्षेत्रमा भने सहमति जुटाउने प्रयास जारी रहेको सत्ता गठबन्धनले जनाएको छ ।

दुवै पक्षले दाबी नछाडेपछि र दुवैको आधिकारिक चिन्ह लिएका उम्मेदवारले जित्ने दाबी गरेका कारण मित्रवत प्रतिस्पर्धा गर्न लागिएको हो । गठबन्धनका शीर्ष नेताहरुले आज साझा उम्मेदवारको सूची सार्वजनिक गर्ने क्रममा प्रतिनिधिसभाका ३ वटा सीटमा मित्रवत प्रतिस्पर्धा गर्ने जनाएका छन् ।

प्रदेशसभामा यो संख्या अझ धेरै छ । गठबन्धन दलहरुबीच प्रदेशसभाका ११ वटा क्षेत्रमा मित्रवत प्रतिस्पर्धा गर्ने भएका छन् । त्यस्तै ५ वटा प्रदेशसभाका क्षेत्रमा अझै पनि मिलाउन छलफल जारी रहेको छ ।

बाँके २ को प्रदेश २(१) मा कांग्रेसका राजकुमार बर्मा र नेकपा एकीकृत समाजवादी (एस) का समसद्दिन सिद्दिकीबीच मित्रवत प्रतिस्पर्धा हुने भएको छ । यस्तै बाँके २ को प्रदेश २(२) मा कांग्रेसका सुरेन्द्रबहादुर हमाल र नेकपा माओवादी केन्द्रका अकलबहादुर बमबीच मित्रवत प्रतिस्पर्धा हुने भएको छ ।

उता बाँके ३(१) मा आधिकारिक उम्मेदवार बनाइने आश्वासनसहित माओवादी केन्द्रमा भित्र्याइएका दलबहादुर सुनारलाई स्थानीय नेतृत्वले आधिकारिक उम्मेदवार भनेपनि सत्ता गठबन्धनको नेतृत्वले माओवादी केन्द्रबाट उम्मेदवारी दिएका आइपी खरेललाई उम्मेदवार तोकेको छ । नेकपा एसका तत्कालीन नेता सुनारले टिकट नपाएपछि स्वतन्त्र उम्मेदवारी दिएका थिए ।

यी हुन् मित्रवत प्रतिष्पर्धा हुने क्षेत्रहरु

प्रतिनिधिसभा

धनुषा २ – कांग्रेस र नेकपा एस

सर्लाही २ – माओवादी र लोसपा

काठमाडौं १० – कांग्रेस र माओवादी

प्रदेशसभा

सर्लाही १ (१) – माओवादी र लोसपा

महोत्तरी २ (२) – नेकपा एस र लोसपा

बारा १ (२) – कांग्रेस र नेकपा एस

पर्सा ३ (२) – कांग्रेस र नेकपा एस

काठमाडौं ३ (२) – कांग्रेस र नेकपा एस

काठमाडौं ५ (२) – कांग्रेस र नेकपा एस