कांग्रेस क्षेत्र नम्बर २ बाँकेको प्रचारप्रसार कार्यालय त्रिभुवनचोकमा उद्घाटन

आम निर्वाचन-२०७९

गृहपृष्ठ
आम निर्वाचन-२०७९
कांग्रेस क्षेत्र नम्बर २ बाँकेको प्रचारप्रसार कार्यालय त्रिभुवनचोकमा उद्घाटन

कांग्रेस क्षेत्र नम्बर २ बाँकेको प्रचारप्रसार कार्यालय त्रिभुवनचोकमा उद्घाटन

शनिबार, कात्तिक १२, २०७९ बागेश्वरी पोस्ट

नेपालगन्ज । नेपाली कांग्रेसले संचालनमा ल्याएको प्रतिनिधिसभा क्षेत्र नम्बर २ बाँकेको प्रचारप्रसार कार्यालयको आज उद्घाटन गरिएको छ । मंसिर ४ गते हुने प्रतिनिधिसभा र प्रदेशसभा निर्वाचन लक्षित प्रचारप्रसार कार्यालयको केन्द्रीय सदस्य मैकुलाल बाल्मिकीले आज एक कार्यक्रमका वीच उद्घाटन गरेका हुन् । नेपालगन्ज त्रिभुवनचोक पूर्व लाइन एनआइसी बैंक अगाडि प्रचारप्रसार कार्यालय संचालनमा ल्याइएको हो ।

क्षेत्रीय सभापति रमेशकुमार गुप्ताको सभापतित्वमा भएको प्रचारप्रसार कार्यालय उद्घाटन कार्यक्रममा बोल्ने बक्ताहरुले विकास, समृद्धि र सुशासनका लागि कांग्रेसका उम्मेदवारहरुलाई विजयी गराउन आह्वान गरेका छन् । आपसी तिक्तता विर्सेर पार्टीलाई शीरमा राखेर प्रचारप्रसारमा खटिन बक्ताहरुको आग्रह छ । बक्ताहरुले संविधानको रक्षार्थ सबै जातजाति, बर्ण, लिंग र समुदायको उत्थानका लागि कांग्रेसले जित्नुको विकल्प नरहेको बताए ।

कार्यक्रममा केन्द्रीय सदस्य बाल्मिकी, कांग्रेसका प्रतिनिधिसभाका उम्मेदवार सुदिप नरसिंह राणा, प्रदेश २(१) का उम्मेदवार राजकुमार वर्मा, २(२) का उम्मेदवार सुरेन्द्रबहादुर हमाल, कांग्रेस बाँकेका कार्यबहाक सभापति गोपालप्रसाद अधिकारी, निवर्तमान सभापति किरण कोइराला, पूर्व सभापति एवम् पूर्व मन्त्री गजेन्द्र हमाल, संविधानसभा सदस्य अब्दुल हमिद सिद्दिकी (भोला), महासमिति सदस्य निरन्जनसिंह सिजापति, बाँके जिल्ला सचिव सुधांशु कोइराला, नेपाल तरुण दलका पूर्व महासचिव हुर्मतकुमार न्यौपाने, प्रदेश २(१) का क्षेत्रीय सभापति ज्ञानेन्द्रकुमार चौधरी, कांग्रेस जिल्ला सदस्य अमृत आचार्य, नेविसंघ बाँकेका कार्यवहाक अध्यक्ष चक्र रावत लगायतले बोलेका थिए ।

क्षेत्रीय सचिव प्रदिप साहुले स्वागत मन्तव्य ब्यक्त गरेको कार्यक्रमको संचालन क्षेत्रीय सचिव सुनिलसिंह हमालले गरेका थिए ।

प्रकाशित मिति: शनिबार, कात्तिक १२, २०७९ १३:२४