चप्परगौडी–घुइयावारी सडक एमालेको प्राथमिकता

आम निर्वाचन-२०७९

गृहपृष्ठ
आम निर्वाचन-२०७९
चप्परगौडी–घुइयावारी सडक एमालेको प्राथमिकता

चप्परगौडी–घुइयावारी सडक एमालेको प्राथमिकता

शनिबार, कात्तिक १२, २०७९ बागेश्वरी पोस्ट

कोहलपुर । बाँके क्षेत्र नं. १ मा नेकपा एमालेको तर्फबाट प्रतिनिधिसभा उम्मेदवार सूर्य ढकालले खड्कवार–घुइयावारी हुँदै सल्यान जोड्ने अन्तरप्रदेश पर्यटकीय मार्ग निर्माणलाई प्राथमिकता दिने बताएका छन् ।

२०१५ सालदेखि नै यस सडकको वारेमा चुनावी नारा बन्ने गरे पनि यसपटक नेकपा एमालेले यो सडक निर्माणको एजेण्डालाई प्राथमिकतामा पारेको ढकालले बताए । कोहलपुर नगरपालिका वडा नं. १२ र १३ लगायत कोहलपुरलाई आर्थिक तथा सामाजिक रुपले सवल बनाउन कोहलपुर–चपरगौडी–खड्कवार–घुइयावारी हुँदै सल्यान जोड्ने अन्तरप्रदेश पर्यटकीय मार्ग बनाउन जरुरी रहेको उनले बताए ।

‘‘यो सडक निर्माणले बाँके र सल्यानका जनताको आर्थिक जीवनस्तर उठाउन कोशेढुङ्गा सावित हुनेछ । सल्यान, सुर्खेत, प्युठान र रोल्पासम्म पुग्न छोटो र कम खर्चमा यात्रा गर्न सकिने यो सडक हाम्रो प्राथमिकतामा छ’, ढकालले भने-‘यो सडक सञ्चालन गर्न सके पहाडको उत्पादन तराई र बाँकेको उत्पादन सल्यान लगायतका स्थानहरुमा पु¥याउन सकिन्छ ।’

चुनावी प्रचारको क्रममा आज कोहलपुर नगरपालिका १२ का गाउँवस्तीमा पुगेका उम्मेदवार ढकालले चपरगौडी–घुइयावारी सडक निर्माण गरेरै छोड्ने बताए । चुनावी प्रचार अभियानमा प्रदेशसभा २(२) का उम्मेदवार दुर्गाप्रसाद चौधरी, प्रदेशसभा सदस्य समानुपातिक उम्मेदवार बसन्ती अधिकारी, निर्मला सुनार लगायतले विकास र समृद्धिका लागि नेकपा एमालेको पक्षमा मतदान गर्न आग्रह गरे ।

प्रकाशित मिति: शनिबार, कात्तिक १२, २०७९ १५:१०